Տևական մեկուսացումից ու համակիրների հացադուլներից հետո Օջալանին տեսակցություն է թույլատրվել

Իրավական13:18, 06 Մայիս 2019

Տևական մեկուսացումից ու համակիրների հացադուլներից հետո Օջալանին տեսակցություն է թույլատրվել

Թուրքիայում ահաբեկչական կառույց համարվող «Քուրդիստանի բանվորական կուսակցության» (ՔԲԿ-PKK) հիմնադիր առաջնորդ, ցմահ ազատազրկված Աբդուլլահ Օջալանին տեսակցություն է թույլատրվել: Ամիսներ շարունակ ամբողջովին մեկուսացված Օջաlaնին մայիսի 2-ին տեսակցելու իրավունք է տրվել նրա փաստաբանին:

Նշվում է, որ Օջալանին վերջին անգամ կարողացել էր տեսակցել եղբայրը՝ Մեհմեթ Օջալանը, 2019-ի հունվարի 12-ին:

Օջալանի փաստաբանը հայտարարել է, որ տեսակցության մանրամասներ կհաղորդի առաջիկա մամուլի ասուլիսին:

Հիշեցնենք, որ քրդամետ «Ժողովուրդների դեմոկրատական կուսակցության» (HDP-ԺԴԿ) պատգամավոր Լեյլա Գյուվենը Աբդուլլահ Օջալանի մեկուսացման դեմ բողոքելու նպատակով 180 շարունակ հացադուլ է իրականացնում: Թուրքական բանտերում նույն պահանջով հացադուլ են անում հազարավոր քուրդ դատապարտյալներ, որոնք ազատազրկվել են ՔԲԿ-ի անդամ լինելու կամ դրա հետ կապ ունենալու մեղադրանքներով:

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։