Թուրքիան ցանկանում է, որ Բոսնիան և Հերցոգովինան ներգրավվի «Թուրքական հոսք»-ի նախագծում

Տարածաշրջան12:40, 03 Մայիս 2019

Թուրքիան ցանկանում է, որ Բոսնիան և Հերցոգովինան ներգրավվի «Թուրքական հոսք»-ի նախագծում

Թուրքիան մտադիր է աջակցել Բոսնիա Հերցոգովինային, որպեսզի վերջինս ներառվի «Թուրքական հոսք » գազատար նախագծում։

Այդ մասին հայտարարել է Թուրքիայի նախագահ Ռեջեփ Թայիփ Էրդողանը Բոսնիա և Հերցոգովինայի նախագահական խորհրդրդի ղեկավար Միլորադ Դոդիկի և խորհրդի անդամ Շեֆիք Ջաֆարովիչի հետ Անկարայում կայացած հանդիպումից հետո։

«Մենք այսօր քննարկեցինք մեր առևտրատնտեսական հարաբերությունների ամրապնդման հնարավորության հարցը։ Մենք արձանագրել ենք, որ երկու երկրների առևտրաշրջանառության ծավալները շարունակում են աճել։ Թուրքիան նաև աջակցություն կցուցաբերի «Թուրքական հոսք» գազատարի նախագծում Բոսնիա և Հերցոգովինայի ներգրավմանը», ասել է Էրդողանը։

Նշենք, որ «Թուրքական հոսք» նախագիծն առաջ էր քաշվել Ռուսաստանի նախագահ Վլադիմիր Պուտինի կողմից՝ դադարեցված «Հարավային հոսք» նախագծի փոխարեն:

Նախատեսվում էր, որ «Թուրքական հոսք»-ի խողովակաշարի ընդհանուր երկարությունը պետք է լինի 910կմ, որի 660կմ հատվածը պետք է անցներ Ռուսաստանով, իսկ 250 կմ մասը` Թուրքիայով: Ըստ ծրագրի՝ այդ գազատարով պետք է 15.8 մլն խմ բնական գազ Թուրքիայի տարածքով արտահանել եվրոպական երկրներ: Սակայն 2015թ. սեպտեմբերի նախագծի շուրջ բանակցությունները սառացվել էին: Դրանք վերսկսվեցին 2016-ի օգոստոսի 10-ին Թուրքիայի նախագահ Ռեջեփ Թայիփ Էրդողանի և Պուտինի հանդիպումից հետո:

Աղբյուր` Hurriyet

Այս ենթաբաժնի վերջին նորությունները

13:28, 26 օգոս

Ստամբուլի ջրամբարների լցվածությունը վերջին շաբաթում ռեկորդային չափով նվազել է

Ապրիլին ջրամբարների լցվածությունը կազմում էր 82 տոկոս իսկ հիմա՝ հազիվ 24 տոկոս։

21:14, 25 օգոս

Էրդողան․ «Զանգեզուրի անցումը մեր ողջ տարածաշրջանի համար խաղաղության նախագիծ է»

Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա: