Քաղաքական07:26, 26 Ապրիլ 2019
Զոհրաբ Մնացականյան. ՀՀ-ն ու Թուրքիան կորցրել են հարաբերությունները կարգավորելու հնարավորությունը
Հայաստանն ու Թուրքիային կորցրել են երկկողմանի հարաբերությունները կարգավորելու հնարավորությունը ու դրա մեղավորն Անկարան է։ Այս մասին 1in.am-ի ուղիղ եթերում ասաց ՀՀ արտգործնախարար Զոհրաբ Մնացականյանը։
Խոսքը 2009 թվականի հոկտեմբերի իրադարձությունների մասին է։ Այն ժամանակ երկու երկրների արտգործնախարարները դիվանագիտական հարաբերությունների հաստատման ու առանց նախապայմանների երկկողմանի հարաբերությունների զարգացման մասին արձանագրություններ էին կնքել։ Սակայն ավելի ուշ Թուրքիան հրաժարվեց վավերացնել դրանք` առաջ քաշելով նախապայման՝ հայկական զինված ուժերը իրենց խոսքով «գրաված տարածքներից» հանելու հարցը։
Հայաստանի իշխանությունը մի քանի տարի չէր փակում բանակցությունների դուռը։ Բայց 2018 թվականի մարտի 1–ին ՀՀ նախկին նախագահ Սերժ Սարգսյանը արձանագրությունների չեղարկման մասին հրահանգ ստորագրեց։
«Ցավոք այսօրվա իրավիճակը չի հուսադրում, որ մենք ունենք որևէ ճանապարհ, ուղղություն հարաբերությունների առաջխաղացման համար։ Հայաստանը 2009 թվականի ցյուրիխյան արձանագրությունների համար մեծ ջանք էր գործադրել», – ասաց Մնացականյանը։
Նա ընդգծեց, որ Թուրքիան ինքն է փակել դռները, չի ընդունել դա։ Նա նշեց, որ Թուրքիայի կոչերը, որոնք Հայաստանը տարիներ շարունակ լսում է, պետք է դատապարտվեն։
Ինչ վերաբերում է արձանագրություններին` Մնացականյանն ընդգծեց, որ այսօր հնարավոր չէ գնահատական տալ, սակայն մի բան պարզ է` դրանից բոլորը հնարավորություն կորցրեցին, ու դրա մեղավորը Թուրքիան։
Ինչ վերաբերում է Անկարայի արձագանքին կապված Հայոց ցեղասպանության 104-րդ տարելիցին ԱՄՆ նախագահ Դոնալդ Թրամփի արած հայտարարության հետ, Մնացականյանը նշեց, որ այն անընդունելի էր ու ցույց է տալիս, որ Թուրքիան չի ցանկանում առերեսվել սեփական պատմության հետ։
«Այն ինչ երեկ ասվեց, դատապարտելի է ու անընդունելի։ Դա նույնիսկ ոչ թե Հայոց ցեղասպանության ժխտում, այլ արդարացում է: Արդարացնելով Հայոց ցեղասպանությունը` Էրդողանը փաստացի ընդունում է, որ կառավարությունն էր ծրագրել դա», – ասաց Մնացականյանը։
Հիշեցնենք` ԱՄՆ նախագահ Դոնալդ Թրամփը ուղերձ էր հղել Հայաստանի պատմության համար ողբերգական օրվա կապակցությամբ ու չէր արտասանել «ցեղասպանություն» բառը։
Միաժամանակ Անկարան հերքել էլ ԱՄՆ նախագահի հայտարարությունը` Հայոց ցեղասպանության զոհերի հիշատակի օրվա կապակցությամբ։
Այս ենթաբաժնի վերջին նորությունները
Վերջին օրերին, ըստ թուրքական մամուլում շրջանառվող լուրերի, Թուրքիայի զինված ուժերը պատրաստվում են նոր ռազմական գործողություն սկսել քրդական ուժերի դեմ՝ Հյուսիսային Իրաքում։
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Տարբեր ինտերնետային կայքերում հրապարակված տեղեկությունների համաձայն՝ 2024-ի հունվարին Թուրքիան Իսրայել է արտահանել բարութ, պայթուցիկ նյութեր և զենք:
Զինամթերքի մատակարարման մասին պայմանագիրն ամերիկյան կողմի հետ ստորագրել է թուրքական «Arca Savunma» ընկերությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |