Թուրքիայի նախագահականը կոչ է արել բոլոր հայերին այցելել Վանի Աղթամար կղզի

Հասարակական09:52, 25 Ապրիլ 2019

Թուրքիայի նախագահականը կոչ է արել բոլոր հայերին այցելել Վանի Աղթամար կղզի

Թուրքիայի նախագահի աշխատակազմի հանրային կապերի բաժնի ղեկավար Ֆահրեթթին Ալթունը Twitter-ում Վանի Աղթամար կղզու հայկական Սուրբ Խաչ եկեղեցին պատկերող տեսանյութ է հրապարակել և ողջ հայությանը կոչ արել այցելել այնտեղ:

Ուշագրավ է, որ հայտարարության մեջ Ալթունը չի մոռացել հատուկ շեշտել, որ եկեղեցին վերանորոգվել է թուրքական կառավարության կողմից:

«Թուրքական կառավարության կողմից վերականգնված Աղթամար եկեղեցին (նկատի ունի Աղթամար կղզու Սուրբ Խաչ եկեղեցին-խմբ.) մեր ժողովուրդների հարուստ պատմությանը և մշակութային բազմազանությանը վերաբերող ապացույցն են: Հայ հասարակության ողջ անդամներին հրավիրում ենք այցել այս համաշխարհային ժառանգության հուշահամալիրը»,-գրել է Ալթունը:

Հիշեցնենք, որ հայ ժողովրդի համար պատմական նշանակություն ունեցող Սուրբ Խաչ եկեղեցին թուրքական կառավարության ֆինանսավորմամբ վերականգնվել էր 2010 թվականին և բացվել թանգարանի կարգավիճակով: Եկեղեցու վերանորոգումից հետո հայ համայնքը տարին մեկ անգամ այնտեղ պատարագ անցկացնելու թույլտվություն ունի:

Սուրբ Խաչ եկեղեցին կառուցվել է 915-921թ. ճարտարապետ Մանվելի կողմից Վասպուրականի թագավոր Գագիկ 1-ինի հրամանով:

The Akdamar Church, restored by Turkish government, is a testament to our nation’s rich history and cultural diversity.
We invite all members of the global Armenian community to visit this world heritage site. pic.twitter.com/iqfKI7OdG3
— Fahrettin Altun (@fahrettinaltun) April 24, 2019

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։