Քաղաքական15:41, 25 Ապրիլ 2019
Փաշինյանի արձագանքն Էրդողանի ելույթին հստակ էր և թիրախային. Թուրքագետ
«Թուրքիայի նախագահ Ռ. Թ Էրդողանի՝ ապրիլի 24-ի ելույթին ի պատասխան Հայաստանի վարչապետ Ն. Փաշինյանի արձագանքը կարևոր էր Թուրքիայի ժխտողական քաղաքականության մեջ արձանագրված նոր միտումների համատեքստում: Վարչապետի ուղերձները հստակ էին և թիրախային»,- այս մասին «Ermenihaber»-ի հետ զրույցում նշեց թուրքագետ Անահիտ Վեզիրյանը՝ մեկնաբանելով ՀՀ վարչապետի թվիթերյան գրառումը:
Թուրքագետը նշեց, որ վերջին շրջանում թե՛ թուրքական պաշտոնական հայտարարություններում, թե՛ տեղեկատվական և վերլուծական հրապարակումներում նկատվում են մտահոգիչ միտումներ՝ Հայոց ցեղասպանության հարցում դիրքորոշման վերախմբագրում, հռետորաբանության կոշտացում:
«Նշվածի վառ ապացույցն է Թուրքիայի նախագահի ապրիլի 24-ի հայտարարությունը, որտեղ, ըստ էության, Էրդողանն արդարացնում էր հայերի նկատմամբ կատարված ոճրագործությունը»,- պարզաբանեց Վեզիրյանը:
Թուրքագետի կարծիքով՝ վերոհիշյալի համատեքստում Հայաստանի վարչապետի գրառման մեջ տեղ գտած ուղերձները ճիշտ էին ընտրված:
Մասնավորապես, Վեզիրյանն ուշադրություն հրավիրեց հետևյալ հանգամանքի վրա. «Հերթական անգամ ընդգծվեց, որ Հայոց ցեղասպանությունը ոչ միայն մի ժողովրդի, այլև ամբողջ մարդկության դեմ կատարված հանցագործություն է: Հետևաբար Էրդողանի՝ ժխտողական և ատելություն սերմանող հռետորաբանության պատասխանը պետք է հնչի ոչ միայն Երևանից, այլև քաղաքակիրթ աշխարհի այլ կենտրոններից»:
Ըստ էության, թուրքական իշխանությունների նման մոտեցումը գործնական կիրառություն է գտնում և՛ Թուրքիայի ներսում՝ տարբեր էթնիկ, կրոնական, քաղաքական խմբերի դեմ, և՛ երկրից դուրս՝ մասնավորապես Սիրիայում, Իրաքում և այլն:
«Եթե հիմա միջազգային հանրությունը կոնկրետ քայլերի չդիմի, ապա Էրդողանի վարչակարգի քաղաքականությունը կարող է հանգեցնել անկանխատեսելի հետևանքներ»,- եզրափակեց Վեզիրյանը:
Այս ենթաբաժնի վերջին նորությունները
Սեզգին Թանրըքուլուն անդրադարձել է Անկարայի հանրապետական գլխավոր դատախազության կողմից քրդամետ «Ժողովուրդների դեմոկրատական կուսակցության» անդամների ձերբակալությանը։
Իրավապահաները բերման են ենթարկել երկրում ընդդիմադիր ուժ համարվող քրդամետ «Ժողովուրդների դեմոկրատական կուսակցությունից» (HDP-ԺԴԿ) ընտրված Այհան Բիլգենին:
Այդ հանգամանքը խիստ բացասաբար է ներկայացվել թուրքական մամուլում՝ բնութագրվելով որպես հակաթուրքական քայլ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Իրավապահաները բերման են ենթարկել երկրում ընդդիմադիր ուժ համարվող քրդամետ «Ժողովուրդների դեմոկրատական կուսակցությունից» (HDP-ԺԴԿ) ընտրված Այհան Բիլգենին:
Վերջին ամիսներին հույն-թուրքական հարաբերություններն առավել լարվել են Հունաստանի տարածքային ջրերում թուրքական նավի կողմից սեյսմիկ հետազոտություններ իրականացնելու պատճառով։
Թուրքիայում շարունակվում են ընդդիմադիր ուժ համարվող քրդամետ «Ժողովուրդների դեմոկրատական կուսակցության» (HDP-ԺԴԿ) անդամների հետապնդումներն ու ձերբակալությունները։
Սեզգին Թանրըքուլուն անդրադարձել է Անկարայի հանրապետական գլխավոր դատախազության կողմից քրդամետ «Ժողովուրդների դեմոկրատական կուսակցության» անդամների ձերբակալությանը։
Օրացույց
Հարցումներ
Արևելյան Միջերկրականում թուրք-հունական լարվածությունը կվերածվի՞ ռազմական բախման։
արտարժույթ
| EUR | TRY | USD |
| 549.84 | 90.05 | 485.12 |