Քաղաքական06:39, 22 Ապրիլ 2019
Թուրքիայում ամբոխը հարձակվել է ընդդիմադիր լիդերի վրա (տեսանյութ)
Ապրիլի 21-ին Թուրքիայի Անկարա նահանգի Չուբուք շրջանում հարձակում է տեղի ունեցել ընդդիմադիր քեմալական «Ժողովրդահանրապետական» կուսակցության (ԺՀԿ-CHP) նախագահ Քեմալ Քըլըչդարօղլուի դեմ։ Ընդդիմադիր կուսակցապետը մասնակցում էր մի քանի օր առաջ Թուրքիայի Հաքքարի նահանգում քուրդ զինյալների հետ բախման ժամանակ սպանված թուրք զինվորների թաղման արարողությանը։
Արարողության ժամանակ հավաքվածներից ոմանք սկսել են վիրավորական խոսքեր հնչեցնել Քըլըչդաչօղլուի հասցեին։ Այն պահին, երբ անվտանգության աշխատակիցները փորձել են տարածքից հեռացնել ընդդիմադիր լիդերին, անհայտ անձը բռունցքով հարվածել է Քըլըչդարօղլուի դեմքին։ Հարվածի պահը ֆիքսել են տեսախցիկները։ Ավելի ուշ անվտանգության աշխատակիցների ձեռնարկած միջոցների շնորհիվ Քըլըչդարօղլուն տեղափոխվել է մոտակա տներից մեկը։ Ամբոխից կոչեր են հնչել վառել այդ տունը:
Դեպքի վայրում է եղել Թուրքիայի պաշտպանության նախարար Հուլուսի Աքարը, ով փորձել է բազմությանը հանգստացնել և հանդես է եկել հանդարտվելու կոչերով։ Նա անգամ մուտք է գործել այն տուն, որտեղ պատսպարվել է ընդդիմադիր գործիչը։
Ավելի ուշ ժանդարմերիայի օգնությամբ Քըլըչդարօղլուին հեռացրել են վտանգի վայրից։ Թուրքական աղբյուրները հաղորդում են, որ դեպքից հետո Քըլըչդարօղլուի առողջական վիճակը լավ է։
Տեղի ունեցած հարձակումը խստորեն դատապարտել են Թուրքիայի մի շարք քաղաքական գործիչներ ընդդիմադիր և իշխանական շրջանակներից, ինչպես օրինակ՝ Թուրքիայի նախագահ Ռեջեփ Թայիփ Էրդողանի մամուլի խոսնակը, Թուրքիայի արդարադատության նախարարը, ներքին գործերի նախարարը և ուրիշներ։ Դատապարտողների թվում է եղել նաև Թուրքիայի նախկին նախագահ Աբդուլլահ Գյուլը։
Անկարայի գլխավոր դատախազության կողմից սկսված հետաքննությամբ պարզվել է հարձակմանը մասնակցած 6 անձանց ինքնությունը։ Նշվում է, որ այդ անձինք կհայտնաբերվեն ու կձերբակալվեն։
Այս ենթաբաժնի վերջին նորությունները
Քուրդ լրագրող Սերդար Ալթանը Ermeniahaber.am-ին տված հարցազրույցում իր կանխատեսումներն է ներկայացրել Թուրքիայում կայանալիք ՏԻՄ ընտրությունների արդյունքների վերաբերյալ։
Վերջին օրերին, ըստ թուրքական մամուլում շրջանառվող լուրերի, Թուրքիայի զինված ուժերը պատրաստվում են նոր ռազմական գործողություն սկսել քրդական ուժերի դեմ՝ Հյուսիսային Իրաքում։
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Զինամթերքի մատակարարման մասին պայմանագիրն ամերիկյան կողմի հետ ստորագրել է թուրքական «Arca Savunma» ընկերությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |