Թուրքիայում հեռուստաընկերություններից մեկը տուգանվել է ընդդիմության առաջնորդին մահապատժով սպառնալու համար

Հասարակական15:48, 18 Ապրիլ 2019

Թուրքիայում հեռուստաընկերություններից մեկը տուգանվել է ընդդիմության առաջնորդին մահապատժով սպառնալու համար

Թուրքիայի Ռադիոյի և հեռուստատեսության հանձնաժողովի կողմից թուրքական «AKİT TV» և «KRT» հեռուստաալիքները ենթարկվել են դրամական տուգանքների: Պատճառն այս հեռուստաալիքների եթերում հնչած վիրավորական արտահայտություններն ու սպառնալիքներն են`ուղղված Աթաթուրքին, Ռեջեփ Թայիփ Էրդողանին և գլխավոր ընդդիմադիր «Ժողովրդա-հանրապետական կուսակցության» (CHP) առաջնորդ Քեմալ Քըլըչդարօղլուին:

Մասնավորապես իշխանամետ «Akit TV» (Աքիթ Թիվի) հեռուստաալիքի թղթակից Մեհմեթ Օզմենը հաղորդումներից մեկի ժամանակ Քեմալ Քըլըչդարօղլուին մեղադրել է ահաբեկչական կազմակերպությունների հետ համագործակցելու և նրանց համակրելու մեջ` նշելով, որ նման մարդիկ պետք է թուրք հասարակության պահանջով կախաղան բարձրացվեն:

Նույն հեռուստաալիքը եթերով վիրավորական արտահայտություններ է հնչեցրել նաև Մուսթաֆա Քեմալ Աթաթուրքի հասցեին: Դրանք Գերագույն հանձնաժողովի կողմից բնութագրվել է` անթույլատրելի:

Իսկ ահա Թուրքիայի ներկայիս նախագահ Ռեջեփ Թայիփ Էրդողանի հասցեին վիրավորանքներ են տեղ գտել «KRT» (Սև ծովի ալիք) հեռուստաալիքի եթերում:

Բոլոր դեպքերի համար կիրառվել են դրամական տուգանքներ:

Աղբյուր` Diken

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։