Միջազգային08:05, 04 Ապրիլ 2019
Մայք Պոմպեոն զգուշացրել է Չավուշօղլուին․ Թուրքիայի գործողությունները կարող են լինել կործանարար
ԱՄՆ պետքարտուղար Մայք Պոմպեոն զգուշացրել է Թուրքիայի արտգործնախարար Մևլութ Չավուշօղլուին, որ Թուրքիայի կողմից Սիրիայում նոր ռազմական գործողությունները կարող են կործանարար հետևանքներ ունենալ։
Վաշինգտոնում գտնվող Մևլութ Չավուշօղլուն հանդիպել է Մայք Պոմպեոյի հետ։ ԱՄՆ փոխնախագահ Մայք Փենսի և Թուրքիայի փոխնախագահ Ֆուաթ Օքթայի միջև S-400-ների շուրջ ծագած բանավեճն արդեն իսկ կանխանշում էր, որ երկկողմ հանդիպումը ծանր է լինելու։
Հանդիպումից առաջ կազմակերպված ասուլիսի ժամանակ թուրք նախարարն անդրադարձել է Ռուսաստանից S-400 ՀՕՊ համակարգերի գնմանը։
«Գործարքն ավարտված է, այլևս հրաժարվել չենք կարող»։
Հանդիպումից հետո Չավուշօղլուն հետևյալ մեկնաբանությունն է արել․ «Պոմպեոյի հետ կառուցողական քննարկում ունեցանք երկկողմ հարաբերություններում առկա փորձությունների և օրակարգային թեմաների շուրջ»։
Մինչդեռ հանդիպման մասին ԱՄՆ պետքարտուղարության խոսնակ Ռոբերտ Պալադինոյի հայտարարությունը դիվանագիտական տեսակետից խիստ ձևակերպումներ է պարունակել։
«Նախարար Պոմպեոն զգուշացրել է, որ տարածաշրջանում Թուրքիայի կողմից միակողմանի ռազմական գործողությունները կործանարար հետևանքներ կարող են ունենալ, միևնույն ժամանակ աջակցություն է հայտնել հյուսիս-արևելյան Սիրիայի վերաբերյալ բանակցություններին», - նշել է խոսնակը։
Հայտնի է, որ ԱՄՆ պետքարտուղարը մտահոգություն է հայտնել Թուրքիայի կողմից S-400 ՀՕՊ համակարգերի գնման առթիվ, ինչպես նաև կոչ է արել ազատ արձակել Թուրքիայում կալանավորված ԱՄՆ քաղաքացիներին։
Այս ենթաբաժնի վերջին նորությունները
Թուրքիայի նախագահը նաև քննադատել է Արևմուտքին Իրանի քայլերը դատապարտելու համար:
Թուրքիայի արտաքին գործերի նախարար Հաքան Ֆիդանը հեռախոսազրույց էր ունեցել Էնթոնի Բլինքենի հետ։
Հանդիպման ընթացքում կքննարկվեն երկկողմ հարաբերությունները, ռուս-ուկրաինական, արաբա-իսրայելական պատերազմները։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի նախագահը Իրաքից վերադառնալիս անդրադարձել է հայ-թուրքական հարաբերություններին և այդ համատեքստում խոսել է Հայոց ցեղասպանության մասին։
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |