Էրդողանը վերահաստատել է Այա Սոֆիայի տաճարը մզկիթի վերածելու իր մտադրությունը

Տարածաշրջան14:10, 29 Մարտ 2019

Էրդողանը վերահաստատել է Այա Սոֆիայի տաճարը մզկիթի վերածելու իր մտադրությունը

Թուրքիայի ՏԻՄ ընտրություններին ընդառաջ տեղի ունեցող նախընտրական քարոզարշավի շրջանակներում «Արդարություն և զարգացում կուսակցության» (ԱԶԿ-AKP) առաջնորդ, Թուրքիայի Հանրապետության նախագահ Ռեջեփ Թայիփ Էրդողանը շարունակում է բազմահազարանոց հանրահավաքներում ելույթ ունենալ։

Էրդողանը մարտի 29-ին Ստամբուլի Սուլթանբեյլի շրջանում կայացած հերթական հանրահավաքի ժամանակ վերահաստատել է օրեր առաջ իր արտահայտած և քրիստոնեական աշխարհում աղմուկ բարձրացրած Այա Սոֆիան մզկիթի վերածելու մասին իր մտադրությունը։

Թուրքիայի իսլամիստ նախագահը մասնավորապես ասել է. «Թանգարանի վերածված մզկիթը, Աստծո կամոք, ընտրություններից հետո նորից պետք է մզկիթ դառնա»։

Որպես իսլամական արժեքների պաշտպան հանդես եկող Էրդողանը հայտարարել է նաև, որ բոլորն ուզում են Թուրքիայից վրեժ լուծել, քանի որ ըստ նրա՝ ոմանք մտածում են, եթե Թուրքիան չլինի, ապա Երուսաղեմի, Պաղեստինի, Գոլանի բարձունքների հարցերը կարող են հեշտությամբ լուծել։

Աղբյուր` Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: