Իրավական07:17, 20 Մարտ 2019
Եվրոպական դատարանը ընդունել է Դեմիրթաշի գործով Թուրքիայի բողոքը
Մարդու իրավունքների եվրոպական դատարանը (ՄԻԵԴ) ընդունել է Սելահաթթին Դեմիրթաշի գործով որոշման դեմ Թուրքիայի ներկայացրած բողոքը։ ՄԻԵԴ-ում տվյալ գործը նորից կքննվի։
2018թ․ նոյեմբերի 20-ի որոշմամբ ՄԻԵԴ-ը պահանջել էր Թուրքիայից՝ ազատ արձակել քրդամետ ընդդիմադիր «Ժողովրդադեմոկրատական» կուսակցության (ԺԴԿ-HDP) նախկին համանախագահ Սելահաթթին Դեմիրթաշին: Նա արդեն շուրջ երկու տարի կալանքի տակ է գտնվում։ Ըստ ՄԻԵԴ-ի՝ Դեմիրթաշի կալանավորումն իրավաչափ չէ, ուստի հնարավորինս սեղմ ժամկետում նրան պետք է ազատել կալանքից:
Սակայն թուրքական դատարանը Դեմիրթաշի վճիռն անփոփոխ թողեց՝ հաշվի չնստելով ՄԻԵԴ-ի որոշման հետ։ Բացի այդ, Թուրքիան որոշման տարբեր հոդվածների դեմ առանձին բողոքներ է ներկայացրել եվրադատարան՝ հավելյալ ինքնապաշտպանության հնարավորություն պահանջելով։ Հնարավոր է, որ նոր դատական նիստ հրավիրվի։ Իսկ վերջնական որոշումը հայտնի կլինի 1 տարվա ընթացքում։
ՄԻԵԴ-ն իր վճռում ընդունել էր, որ Դեմիրթաշը ձերբակալվել է «ողջամիտ կասկածի հիման վրա», սակայն եզրակացրել էր նաև, որ խախտվել է կալանավորի՝ «ողջամիտ ժամանակահատվածում դատապարտման կամ էլ ըստ դատապարտման ընթացակարգի ազատ արձակման իրավունքը»:
Ըստ եվրադատարանի վճռի` Թուրքիան պետք է վճարեր 10.000 եվրո՝ որպես բարոյական փոխհատուցում և 15.000 եվրո՝ որպես դատական ծախսերի փոխհատուցում։
Հիշեցնենք, որ Սելահաթթին Դեմիրթաշը 2016թ․ նոյեմբերի 4-ին ձերբակալվել, այնուհետև կալանավորվել էր՝ ահաբեկչական խմբավորմանն աջակցելու, զինված ահաբեկչական խմբավորման անդամ լինելու, խմբավորման օգտին հանցագործություն կատարելու մեղադրանքով։ Ստամբուլի ծանր հանցագործությունների դատարանը «ահաբեկչական կազմակերպության օգտին քարոզչություն» անելու մեղադրանքով Դեմիթաշին դատապարտել էր ազատազրկման 4 տարի և 8 ամիս ժամկետով:
Այս ենթաբաժնի վերջին նորությունները
Թուրքիայում գտնվելու ժամանակ Շամսիդին Ֆարիդունին սոցիալական ցանցում լուսանկարներ է հրապարակել։
Գամզե Աքքուշը նշել է, որ ժանդարմերիայի պատասխանատվության գոտում հանցագործությունների թիվը 2023-ին հատել է կես միլիոնի սահմանը։
Արդա Թուրանը մեղադրվում է 2015-ից 2016 թթ-ին Իսպանայում գնտվելու ընթացքում հարկերից խուսափելու մեջ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Նշվում է, որ վերոնշյալ հայտարարության պատճառով բացված դատական գործով վճիռ է կայացվել Անկարայի 48-րդ ընդհանուր իրավասության քրեական դատարանում։
Իրանի քաղաքացիներն ավելացրել են իրենց ճանապարհորդությունները դեպի Թուրքիա և Ստամբուլ դեռևս հունվարին։
Քուրդ լրագրող Սերդար Ալթանը Ermeniahaber.am-ին տված հարցազրույցում իր կանխատեսումներն է ներկայացրել Թուրքիայում կայանալիք ՏԻՄ ընտրությունների արդյունքների վերաբերյալ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |