Հասարակական06:06, 18 Մարտ 2019
Ստամբուլում վերջին հրաժեշտը տվեցին Պոլսի Հայոց պատրիարք Մեսրոպ Մութաֆյանին (տեսանյութ)
Մարտի 17-ին Ստամբուլի Քումքափը թաղամասում գտնվող Սուրբ Մարիամ Աստվածածին մայր եկեղեցում հայ համայնքը վերջին հրաժեշտն է տվել Պոլսի Հայոց 84-րդ պատրիարք Մեսրոպ Մութաֆյանին։ Նա վախճանվել էր մարտի 8-ին հայկական Սուրբ Փրկիչ հիվանդանոցում։
Հուղարկավորության արարողությանը մասնակցել են բազմաթիվ թուրք բարձրաստիճան պաշտոնյաներ և քաղաքական գործիչներ, ինչպես օրինակ՝ Թուրքիայի նախկին վարչապետ և մեջլիսի նախագահ Բինալի Յըլդըրըմը, Թուրքիայի նախագահի մամուլի խոսնակ Իբրահիմ Քալընը, իշխող «Արդարություն և զարգացում» (ԱԶԿ-AKP) կուսակցության խոսնակ Օմեր Չելիքը, ընդդիմադիր քեմալական «Ժողովրդահանրապետական» կուսակցությունից (ԺՀԿ-CHP) Ստամբուլի քաղաքապետի թեկնածու առաջադրված Էքրեմ Իմամօղլուն և այլք։
Մասնակցել են նաև ասորական ուղղափառ եկեղեցու մետրոպոլիտ Յուսուֆ Չեթինն, ինչպես նաև Էջմիածինից, Լիբանանից, Երուսաղեմից, Վատիկանից մեկնած հայ հոգևորականները։ 4 ժամ տևած հուղարկավորության արարողությունը ղեկավարել է Պոլսո Հայոց պատրիարքի փոխանորդ Արամ արքեպիսկոպոս Աթեշյանը։ Մութաֆյանը հողին է հանձնվել Ստամբուլ Շիշլի թաղամասի հայկական գերեզմանատանը:
Թուրքական աղբյուրը նշում է, որ Պոլսո Հայոց պատրիարքի ընտրությունների հետ կապված աշխատանքները կմեկնարկեն Սուրբ զատիկից հետո, քանի որ այդքան օր սուգ է հայտարարվել Մութաֆյանի մահվան կապակցությամբ։
Հիշեցնենք, որ Մեսրոպ արքեպիսկոպոս Մութաֆյանը ծնվել է 1956թ. Ստամբուլում։ 1973-1975թթ. սովորել է Շտուտգարտի ամերիկյան քոլեջի գեղարվեստի և պատմության ֆակուլտետում։ 1975-1979թթ. ուսումը շարունակել է ԱՄՆ-ի Թենըսի նահանգի Մեմփիսի պետական համալսարանում։ 1977 թվականին ձեռնադրվել է սարկավագ, նույն թվականին ձեռնադրվել է կուսակրոն քահանա։
Մեսրոպ Մութաֆյանը Պոլսի հայոց պատրիարք էր ընտրվել 1998-ին: 2008-ից ի վեր պատրիարք Մութաֆյանը առողջական խնդիրների պատճառով գտնվում էր հիվանդանոցում: Իսկ պատրիարքությունը մինչ օրս ղեկավարում է հոգևոր խորհրդի կողմից պատրիարքական փոխանորդ ընտրված Արամ արքեպիսկոպոս Աթեշյանը:
Այս ենթաբաժնի վերջին նորությունները
Եթե դիտարկենք երկրի ընդհանուր բնակչության թիվը, ապա 2018թ. ծերերը կազմում էին քաղաքացիների 8.8%-ը, իսկ 2023-ին՝ արդեն 10.2%-ը։
Թուրքիայի Սինոպ քաղաքը համարվում է տարեց բնակչության ամենաբարձր ցուցանիշ ունեցող քաղաքը, իսկ ամենացածր ցուցանիշ ունեցող քաղաքը համարվում է Շըրնաքը։
Գյոլբաշ գյուղում առատ ձյան տեղումների և բքի հետևանքով բնակիչների տներն անցել են ձյան տակ։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Նշվում է, որ վերոնշյալ հայտարարության պատճառով բացված դատական գործով վճիռ է կայացվել Անկարայի 48-րդ ընդհանուր իրավասության քրեական դատարանում։
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |