Քաղաքական08:16, 05 Մարտ 2019
Չավուշօղլուն որոշել է խախտել Ավստրիայում «Գորշ գայլերի» նշանի արգելքը
Թուրքիայի արտգործնախարար Մևլութ Չավուշօղլուն կրկին անդրադարձել է Ավստրիայում որոշ խորհրդանիշների, այդ թվում՝ թուրքական ծայրահեղական «Գորշ գայլեր» կազմակերպության նշանն արգելող օրենքի ընդունմանը:
«Ազգայնական շարժում» կուսակցության (MHP-ԱՇԿ) Հաթայի նահանգային գրասենյակ այցելած Չավուշօղլուն հայտարարել է, որ երբ գնա Ավստրիա, «Գորշ գայլերի» նշանն է ցույց տալու:
Թուրք նախարարի խոսքով՝ Ավստրիայում մի շարք խորհրդանիշներ ու նշաններ արգելող օրենքն ընդունվել է իրենց ճնշումների հետևանքով և նպատակ է ունեցել արգելել Թուրքիայում ահաբեկչական կազմակերպություն համարվող «Քուրդիստանի բանվորական կուսակցության» (PKK-ՔԲԿ) խորհրդանիշների լայն կիրառումը:
«Մեզ ասացին, որ դրանք (ՔԲԿ-ի խորհրդանիշները) արգելելու համար պետք է օրենք ընդունենք: Ավելի ուշ օրենքի նախագիծ մշակեցին, վերջին պահին տեսանք, որ «Գորշ գայլերի» նշանը նույնպես ներառվել է ցանկում»,- պարզաբանել է Չավուշօղլուն:
Վերջինս հայտարարել է, որ Ավստրիայի արտգործնախարարի հետ հեռախոսազրույցի ժամանակ նրան ասել է, որ Ավստրիա գնալիս ինքն առաջինն է լինելու, ով ցույց է տալու արգելված «Գորշ գայլերի» ու «Ռաբիայի» նշանները:
«Մեր խորհրդանիշները ոչ ոք չի կարող արգելել, դա թույլ չենք տա: Դրանց դեմ կարող են օրենք ընդունել, բայց մենք մեր արարքներով ու խոսքերով ցույց կտանք, որ այդ օրենքը չի կարող կիրառվել»,- սպառնացել է Չավուշօղլուն:
Հիշեցնենք, որ ավելի վաղ Ավստրիայի խորհրդարանն օրինագիծ էր ընդունել, որով 2019թ. մարտից արգելվում է թուրքական ծայրահեղական «Գորշ գայլեր» կազմակերպության և «Մուսուլման եղբայրներին» աջակցող «Ռաբիա» ու մի շարք այլ կառույցների նշաններ կիրառելը: Օրենքի ընդունումից հետո Թուրքիայի ԱԳՆ-ն հայտարարություն էր տարածել՝ դատապարտելով արգելված խորհրդանիշների ցանկում «Գորշ գայլերի» ու «Ռաբիայի» նշանների ընդգրկումը:
Այս ենթաբաժնի վերջին նորությունները
Թուրքիայի նախագահը նշել է, որ Թուրքիան դարձել է Գազա ամենաշատ օգնություն ուղարկած երկիրը։
Քուվեյթի քաղաքացիներն 1-ին տեղն են զբաղեցնում Թուրքիայում ամենաշատ անշարժ գույք գնող օտարերկրացիների շարքում։
Էրդողանը նշել է, որ Օզգյուր Օզելի հետ հանդիպումն անցել է դրական մթնոլորտում և շեշտել նմանատիպ հանդիպումների շարունակական լինելու անհրաժեշտությունը:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքական մեդիայում տարածվող լուրերի համաձայն՝ իշխող ուժի և ազգայնականների առաջնորդների միջև տարաձայնություն կա։
Արտահանումն իրականացվում է Թուրքիայի կողմից Իսրայելի հետ առևտուրը կասեցնելու մասին որոշմանը ֆոնին:
Բեզալել Սմոթրիչը դժգոհել է, որ Կահիրեում գերիների փոխանակման բանակցություններում ներկա են գտնվել նաև թուրք պաշտոնյաներ:
Բարզանին վերջին այցը Իրան եղել է 2021թ. օգոստոսին, որի ընթացքում նա մասնակցել էր Ռաիսիի երդմնակալության արարողությանը։
Թրամփի քաղաքականությունը Թուրքիայի նկատմամբ հիմնականում կապված էր Սիրիայի և իրաքյան հարցերի, Թուրքիայի կողմից ահաբեկչական համարվող «ԺՊԳ-ի» և Ֆեթուլլահ Գյուլենի արտահանձնման հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |