Քաղաքական09:54, 22 Փետրվար 2019
Թուրք ազգայնական պատգամավորներն ընդհատել են հայ և լազ պատգամավորների ելույթները (տեսանյութ)
Փետրվարի 21-ին «Մայրենի լեզվի միջազգային օրվա» կապակցությամբ Թուրքիայի խորհրդարանի հայ և լազ պատգամավորները ելույթ են ունեցել իրենց մայրենի լեզվով:
Ստամբուլից ընտրված ընդդիմադիր «Ժողովրդահանրապետական կուսակցության» (CHP-ԺՀԿ) ծագումով լազ պատգամավոր Մեհմեթ Բեքարօղլուի և Դիարրբեքիրից ընտրված քրդամետ «Ժողովուրդների դեմոկրատական կուսակցության» հայ պատգամավոր Գարո Փայլանի ելույթները քանի որ թուրքերեն չեն եղել, արձանագրություններում պայմանականորեն նշվել են «X» տառով:
Լազ պատգամավորն ազգայնականների առարկություններին պատասխանել է. «Հարգելի պատգամավորներ, լազերեն խոսեցի: Անհետանալու եզրին կանգնած որոշ լեզուներով Ձեզ բարևեցի: Այսօր աշխարհում խոսվող 7000 լեզուների մեծ մասը կամաց-կամաց անհետանում է: Թուրքիայում էլ է այդպես: Ներկայում այստեղ 36 լեզվով են խոսում, սակայն 20-ը աստիճանաբար վերանում է»:
Շարունակելով ելույթը լազ պատգամավորը հայտնել է, որ պետությունը պիտի աջակցի մայրենի լեզուներին:
«Առանց հեռուստատեսության, առանց մուլտֆիլմերի ցուցադրության հնարավոր չէ երեխաներին մայրենին սովորեցնել: Հիմա ցանկության կա լազերեն եթերներ ապահովող հեռուստատեսություն հիմնել: Թուրքիայում 300.000-500.000 լազ է ապրում»,- նկատել է տվել Բեքարօղլուն:
Հայ պատգամավորի ելույթի ժամանակ MHP-ի Մերսինից ընտրված պատգամավոր Բաքի Շիմշեքն ընդհատելով ասել է. «Սա ՄԱ՞Կ-ն է», իսկ MHP-ական Ումիթ Յըլմազը, դիմելով մեջլիսի նախագահին, պահանջել է թարգմանություն՝ հավելելով, որ գուցե Փայլանը վիրավորական բաներ է ասում իրենց:
«Երազում ենք այնպիսի Թուրքիա, որտեղ բոլոր մայրենի լեզուները կապրեն համերաշխության և խաղաղության մեջ: Այս հարցում անհրաժեշտ օրենքի նախագծերն ունենք: Ցանկանում եմ հավատալ, որ բոլոր պատգամավորները կհարգեն բոլոր մայրենի լեզուները և մեր այս խորհրդարանը կձեռնարկի ահրաժեշտ միջոցներ»,-ասել է Փայլանը:
HDP-ական պատգամավոր Գյուլիստան Քըլըչն էլ խորհրդարանական հետազոտություն է պահանջել «Մայրենի լեզվի միջազգային օրվա» առթիվ:
Քոչյիղիթի խոսքով` Թուրքիայում շուրջ 40 լեզվով են խոսում, սակայն այդ լեզուների զգալի մասը ժխտողական և ասիմիլիացիոն քաղաքականության հետևանքով ոչնչացման սպառնալիքի առջև են կանգնած:
Այս ենթաբաժնի վերջին նորությունները
Ընդդիմադիր կուսակցապետի պնդմամբ՝ իշխանություններն իրենց առաջարկները մերժում են, բայց ենթարկվում են, երբ նույն առաջարկը ՌԴ կողմից է արվում։
Թուրքիայի նախագահ Ռեջեփ Թայիփ Էրդողանը ամփոփելով 2019թ. , անդրադարձել է երկրի արտաքին քաղաքականությանը, մասնավորապես Արևելյան Միջերկրական ծովում տեղի ունեցող զարգացումներին:
Ըստ Էթյեն Մահչուփյանի` Էրդողանը այլևս չի կարողանում միայնակ որոշումներ ընդունել:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, բայց իմ ձեռքում դրանք չպետք է լինեն. ես դա չեմ ընդունում
ամենաշատ ընթերցված
Ըստ Էթյեն Մահչուփյանի` Էրդողանը այլևս չի կարողանում միայնակ որոշումներ ընդունել:
Երրորդ հորիզոնականում հայտնվել է Ռուսաստանի Դաշնությունը։
Հարցերի և պատասխանների ամբողջական հերթականությունը չպահպանելու հետևանքով առաջ են եկել որոշ թյուրըմբռնումներ, և շատ դեպքերում բարձրաձայնված գաղափարներն ու մտքերն իմաստազրկվել են։
Ստամբուլում լույս տեսնող հայկական «Ակոս» թերթի հիմնադիր-խմբագրապետ Հրանտ Դինքի սպանվել է 2007թ․ հունվարի 19-ին։
Թուրքիայի նախագահ Ռեջեփ Թայիփ Էրդողանը ամփոփելով 2019թ. , անդրադարձել է երկրի արտաքին քաղաքականությանը, մասնավորապես Արևելյան Միջերկրական ծովում տեղի ունեցող զարգացումներին:
Օրացույց
Հարցումներ
ԱՄՆ-Իրան լարվածությունն առաջիկայում կվերածվի՞ լայնածավալ պատերազմի
արտարժույթ
| EUR | TRY | USD |
| 549.84 | 90.05 | 485.12 |