«Թուրքական ավիաուղիները» տուգանվել է առանց վիզայի ՌԴ մեկնած ուղևորի պատճառով

Հասարակական09:28, 20 Փետրվար 2019

«Թուրքական ավիաուղիները» տուգանվել է առանց վիզայի ՌԴ մեկնած ուղևորի պատճառով

Ռուսաստանի Դաշնության նախագահ Վլադիմիր Պուտինը 2019թ․ փետրվարի 6-ին Թուրքիայի քաղաքացիների որոշ խմբերի համար վիզաների ազատականացման հրամանագիր էր ստորագրել։

Այս լուրը Թուրքիայի քաղաքացիների կողմից սխալ է ընկալվել։ Մասնավորապես քաղաքացիներից մեկը, կարծելով, թե Թուրքիայից դեպի Ռուսաստանի Դաշնություն ուղևորությունների համար այլևս վիզայի կարիք չկա, փորձել է առանց վիզայի մեկնել Կազան։

Նախօրեին «Թուրքական ավիաուղիներ»-ին պատկանող ինքնաթիռով նշյալ քաղաքացին մեկնել է Թաթարստանի մայրաքաղաք Կազան, սակայն վիզայի բացակայության պատճառով արտաքսվել է երկրից։ Բացի այդ, «Թուրքական ավիաուղիներ»-ը տուգանվել է 100.000 ռուբլիով։

Իրականում վիզաների ազատականացման վերաբերյալ Պուտինի հրամանագիրը վերաբերում է միայն հատուկ և դիվանագիտական անձնագիր ունեցող քաղաքացիներին, ինչպես նաև՝ դեպի Ռուսաստան ապրանքափոխադրում իրականացնող բեռնատարների վարորդներին։

Ընդ որում Թուրքիայի քաղաքացիների նկատմամբ սույն հրամանագրի կիրառման համար անհրաժեշտ է, որ Թուրքիան ևս Ռուսաստանի քաղաքացիների նույն խմբերի համար նմանատիպ արտոնություններ սահմանի։

Աղբյուր` hurriyet.com.tr

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։