Հասարակական13:59, 15 Փետրվար 2019
IPI. «Թուրքիայում լրատվամիջոցների 95%-ը իշխանությունների ազդեցության տակ է»
Մամուլի միջազգային ինստիտուտը (IPI) զեկույց է պատրաստել Թուրքիայում մամուլի ազատության վերաբերյալ:
Զեկույցի համաձայն` 2016թ. հուլիսի 15-ից մինչ օրս Թուրքիայում փակվել է 170 լրատվամիջոց և հրատարակչատուն: Բացի այդ տնտեսական և քաղաքական ճնշումների պատճառով լրատվամիջոցների 95%-ը անցել է իշխանության ազդեցության տակ:
Նշենք, որ զեկույցը պատրաստել են IPI-ի գործադիր խորհրդի նախագահ Մարկուս Սպիլմանի և IPI-ի տնօրեն Բարբարա Տրիոնֆի ղեկավարած պատվիրակությունը` Անկարայում և Ստամբուլում իրականացրած հանդիպումներից հետո:
«2016թ. հուլիսի հեղաշրջման փորձից ցայսօր շրջանառվող և մամուլի ազատությունը սահմանափակելու համար կիրառվող օրենքի ուժ ունեցող որոշումները չեղարկելու փոխարեն, Թուրքիան շարունակեց ավելի շատ օրենքներ և նմանատիպ գործիքակազմ ստեղծել, որոնք միտված էին սպառնալ ազատ լրատվամիջոցներին»,- ասված է զեկույցում:
Թուրքիա այցի ընթացքում IPI-ի ներկայացուցիչների հանդիպման պահանջները մերժել կամ էլ անպատասխան էին թողել Թուրքիայի նախագահ Ռեջեփ Թայիփ Էրդողանը, նախագահականի հաղորդակցության նախագահ Ֆահրեթթին Ալթունը, ռադիոյի և հեռուստատեսության բարձրագույն խորհուրդը, սահմանադրական դատարանը և պետական հեռուստատեսությունը:
Զեկույցի հեղինակներին հաջողվել է միայն կապ հաստատել Թուրքիայի արտգործնախարարության և արդարադատության նախարարության ներկայացուցիչների հետ: Վերջիններս Թուրքիայի լրատվական միջավայրը «լավ և աշխույժ» են բնութագրել:
Չնայած թուրք պաշտոնյանների պնդումներին, որ լրատվական կազմակերպությունները փակել են և աշխատակիցներին հեռացրել են` ելնելով հեղաշրջման փորձից հետո ստեղծված իրավիճակից և անվտանգության նկատառումներից, այնուամենայնիվ IPI-ի զեկույցում նշված է հետևյալը.
«Ակնհայտ է, որ այս միջոցները անսահմանափակ կերպով կիրառվել են ոչ միայն հեղաշրջման փորձի պատասխանատու համարվող Ֆեթուլլահ Գյուլենի ենթադրյալ կապ ունեցող անձանց և հաստատությունները, այլև քուրդ, ձախակողմյան և այլ անկախ լրատվամիջոցների լրագրողներին թիրախավորելու համար»:
Այս ենթաբաժնի վերջին նորությունները
Նշենք նաև, որ թեմայի շուրջ հայտարարություններ է կատարել նաև Թուրքիայի խորհրդարանում երկու պատգամավորով ներկայացված, ձախակողմյան «Ժողովրդացարական շրջաններ» կուսակցությունը։
Թուրքիայում ՌԴ դեսպանատունն արդեն դիմել է ավիաընկերության ղեկավարությանը պարզաբանումների ստանալու համար։
«Թուրքիայի վիճակագրական ինստիտուտի» տվյալների համաձայն՝ նրանց թիվն ավելին քան 22 մլն է:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի նախագահը Իրաքից վերադառնալիս անդրադարձել է հայ-թուրքական հարաբերություններին և այդ համատեքստում խոսել է Հայոց ցեղասպանության մասին։
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ermenihaber.am-ը ներկայացնում է թուրք լրագրող-գրող Նևզաթ Օնարանի՝ «Համիդիեից ապրիլի 24» խորագրով հոդվածի հայերեն թարգմանությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |