Իրավական06:59, 13 Փետրվար 2019
Զեկույց․ «ԵԽ անդամ երկրներում 130 ազատազրկված լրագրող կա, որոնցից 110՝ Թուրքիայում»
Եվրոպայի խորհուրդը փետրվարի 12-ին հրապարակել է մի շարք միջազգային կազմակերպությունների հետ համատեղ կազմված մամուլի ազատության վերաբերյալ զեկույցը։
Զեկույցում արձանագրվել է, որ Թուրքիան աշխարհում ամենից շատ ազատազրկված լրագրողներ ունեցող երկիրն է։ Ընդհանուր առմամբ 2018թ․ ավարտի դրությամբ Եվրոպայի խորհրդի անդամ երկրներում ազատազրկված լրագրողների թիվը 130 է։ Ընդ որում, նրանցից 110-ը գտնվում են թուրքական բանտերում։
Ըստ զեկույցի՝ 2016 հուլիսին Թուրքիայում արտակարգ դրության ռեժիմ հայտարարվելուց հետո և մինչ օրս այս երկրում առնվազն 200 լրագրող է ձերբակալվել։
«Չնայած 2018թ․ հուլիսին երկրում արտակարգ դրության ռեժիմը դադարեցվել է, այնուամենայնիվ, Թուրքիան շարունակում է մնալ մի երկիր, որտեղ ամենից մեծ թվով լրագրողներ են բանտարկված։ Այն նաև աշխարհի ամենահետադիմական երկրներից մեկն է՝ խոսքի և մամուլի ազատության տեսակետից», -ասված է զեկույցում։
Մինչդեռ դեռ 2 ամիս առաջ «BBC»-ին հարցազրույց տված Թուրքիայի նախագահի գլխավոր խորհրդական Գյուլնուր Այբեթը պնդել էր, որ թուրքական բանտերում «լրագրողական գործունեության պատճառով» դատապարտված որևէ լրագրող չկա։
Արձանագրվել է նաև, որ 2018թ․ ընթացում Եվրոպայի խորհրդի անդամ 32 երկրից 140 լուրջ իրավախախտման վերաբերյալ հայցեր են ներկայացվել Խորհրդի և 12 միջազգային իրավապաշտպան ընկերության կողմից համատեղ հիմնված «Լրագրության պաշտպանության և լրագրողների անվտանգության պլատֆորմին»։ Նշվել է, որ 2018թ․ աշխարհում սպանվել է 17 լրագրող, որոնցից 2-ը՝ Թուրքիայում։
2018թ․ ընթացքում Թուրքիայում և Եվրոպական խորհրդի 7 այլ երկրներում մամուլի նկատմամբ կիրառվել են այնպիսի ճնշումներ, ինչպիսիք են լրատվամիջոցների գործունեության սահմանափակումներն ու կասեցումը, ինտերնետային կայքերի արգելափակումերը, արտասահմանյան ֆինանսավորում ստացող լրատվամիջոցների՝ որպես «արտասահմանյան ագենտներ» պիտակավորումը։ Թուրքիան նաև այն 4 երկրներից մեկն է, որտեղ մամուլիս ազատությունն ամենից մեծ հետընթացն է ապրել, իսկ լրագրողների դեմ ուղղված հանցագոործությունների թիվն աճել է։
Այս ենթաբաժնի վերջին նորությունները
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Դատական գործում մեղադրվում է 108 անձ, որից 24-ը կալանավորված է:Նրանց թվում է նաև քրդամետ ԺԴԿ-ի նախկին համանախագահ Սելահաթթին Դեմիրթաշը:
Ծագումվող ղազախ հանցագործը ձերբակալվել է Ստամբուլում անցկացված «Mahzen-27» գործողության արդյունքում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |