Միջազգային13:29, 11 Փետրվար 2019
Լիբիան դիմել է ՄԱԿ-ի ԱԽ. Թուրքիան աջակցում է երկրի ծայրահեղական խմբավորումներին
Լիբիայի զինված ուժերի ղեկավարությունը Թուրքիայի նկատմամբ պատժամիջոցներ կիրառելու կոչով դիմել է ՄԱԿ-ի անվտանգության խորհուրդ: Պատճառը Թուրքիայի կողմից Լիբիայում գործող ծայրահեղական խմբավորումներին ուղարկված զինտեխնիկայի հերթական խմբաքանակի առգրավվումն է:
Նախօրեին Լիբիայի Ալ-Հումուս նավահանգստում առգրավվել է թուրքական արտադրության զինվորական մեքենաներ, այդ թվում՝ զրահապատ:
Նավահանգստի ղեկավարության տարածած հայտարարության մեջ նշվել է, որ կանխվել է մի քանի տասնյակ զինվորական մեքենաների՝ ապօրինի ճանապարհով երկրիր մտցնելու փորձ: Ըստ հայտարարության՝ մեքենաներից 9-ը եղել են զրահապատ և հագեցած են եղել ականներից ու հրթիռներից պաշտպանող համակարգերով: Լիբիացի պատասխանատուները հայտնել են նաև, որ մեքենաներն ուղարկվել են թուրքական նավահանգիստներից մեկից:
(Լիբիական նավահանգստում առգրավված թուրքական զրահամեքենաներից մեկը)
Լիբիայի ազգային բանակի մամուլի խոսնակ գեներալ Ահմեթ ալ-Միսմարին հայտարարել է, որ այդ մեքենաները ուղարկվում էին երկրի տարածքում գործող անօրինական զինված խմբավորումներին:
Հիշեցնենք, որ հունվարի 8-ին էլ Լիբիայի նավահանգիստներից մեկում առգրավվել էր Թուրքիայից այդ երկիր ուղարկված զենքի ևս մեկ խմբաքանակ: Թուրքիայից երկրի Միսրաթա նավահանգիստ ուղարկված մանկական խաղալիքների ու կահույքի մեջ թաքցված 556 փաթեթներում 20.000 ատրճանակ էր հայտնաբերվել: Լիբիայի իշխանությունների տեղեկություններով զենքերը պետք է փոխանցվեին երկրի ներսում գործող ահաբեկիչներին:
Թեմայի վերաբերյալ «Sputnik» գործակալությանը տված հարցազրույցում Լիբիայի խորհրդարանի մամուլի քարտուղար Ֆաթիհ ալ-Մարյամին հայտարարել էր, որ Թուրքիան նմանատիպ քայլերով ցանկանում է խաթարել կայունությունը Լիբիայում: Ալ-Մարյամին ավելացրել էր, որ առաջիկայում խորհրդարանը համապատասխան քայլեր կձեռնարկի Թուրքիայի հետ հարաբերությունների մասով:
Այս ենթաբաժնի վերջին նորությունները
Որպես պատճառ նշվել է Թուրքիայում ահաբեկչությունների հավանակությունը և կամայական ձերբակալությունները։
Լրագրողական քարտերը օտարերկրյա լրագրողների համար Թուրքիայում մասնագիտական գործունեություն ծավալելու պաշտոնական թույլտվություն են հանդիսանում:
Թուրքիայի ԱԳՆ. «Մեկ անգամ ևս դատապարտում ենք և անընդունելի համարում 2019թ. մարտի 1-ից ուժի մեջ մտնող օրենքը, որով արգելվում է «Գորշ գայլերի» նշանը»։
Ուղիղ խոսք
Եթե Եվրամիությունը բացեիբաց ասի՝ Թուրքիային չենք ընդունելու, մենք էլ կհանգստանանք ու կանցնենք մեր «B» և «C» պլաններին:
ամենաշատ ընթերցված
Սոչիում Սիրիայի հարցով տեղի ունեցած գագաթնաժողովի շրջանակներում ուշագրավ զրույց է տեղի ունեցել Թուրքիայի և Ռուսաստանի նախագահների միջև։
Թուրքիայի նախագահն արձագանքել է Ֆրանսիայի նախագահ՝ ապրիլի 24-ը Ֆրանսիայում Հայոց ցեղասպանության հիշատակի օր հռչակելու մասին հայտարարությանը:
Սիրիայի նախագահ . «ԱՄՆ-ն ձեզ մատնելու է։ Բացի Սիրիայի բանակից ձեզ ոչ մեկ չի կարող պաշտպանել»։
Թուրքիայի և Ադրբեջանի միջխորհրդարանական բարեկամական խմբի նախագահը Բաքվում է։
Մեհմեթ Ալի Գյուլլերն իր հոդվածում անդրադարձել է Սիրիայի հարցում Թրամփի և Էրդողանի միջև ձեռք բերված համաձայնությանը և Պուտին-Էրդողան հարաբերություններին:
Օրացույց
արտարժույթ
| EUR | TRY | USD |
| 549.84 | 90.05 | 485.12 |