Պոլսահայ գրող Հայկո Բաղդատի դեմ Թուրքիայում 10 տարում 21 հետաքննություն է սկսվել

Իրավական11:46, 05 Փետրվար 2019

Պոլսահայ գրող Հայկո Բաղդատի դեմ Թուրքիայում 10 տարում 21 հետաքննություն է սկսվել

Պոլսահայ գրող և լրագրող Հայկո Բաղդատը, ով ներկայումս ապաստանել է Գերմանիայում, հրապարակել է Թուրքիայում իր դեմ սկսված հետաքննությունների ցանկը։

Facebook-ում կատարված հարապարակմանը կից Բաղդատը գրել է․ «Ինչպես պարզեցինք՝ իմ դեմ սկսված ուղիղ 21 տարբեր հետաքննություններ կան։ Երբ երկիրը այս վիճակում է, ինձ առաջադրված ամեն մի «հանցանք» ինձ համար պատվո շքանշան է․․․»։

Հրապարակված փաստաթղթերից դատելով՝ հայ լրագրողի դեմ հարուցված հետաքննություններից մեկը թվագրվում է 2008, մեկը՝ 2009, 5-ը՝ 2017, 10-ը՝ 2018 և 2-ը՝ 2019 թվականով։

Հետաքննություններից 4-ը (28/08/2008թ․, 11/05/2009թ․, 30/03/2017թ․, 18/01/2019թ․) դադարեցվել են, 5-ի վերաբերյալ դեռևս որևէ որոշում չի կայացվել։

Ուշագրավ է, որ Բաղդատի դեմ սկսված հետաքննությունները մեծ մասը փաստաթղթերում բնութագրվել է որպես «մամուլի միջոցով կատարված հանցագործության հետաքննություն»։ Այլ կերպ ասած՝ հայ լրագրողը շուրջ մեկ տասնամյակ քրեական հետապնդման է ենթարկվել հենց լրագրությամբ զբաղվելու պատճառով։

Աղբյուր` Ermenihaber.am

Այս ենթաբաժնի վերջին նորությունները

15:34, 12 հուն

Թուրքիայում շուրջ 4 միլիոն երեխա է աշխատում

Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։

15:00, 05 հուն

Ստամբուլի շրջանի ընդդիմադիր 5 համայնքապետեր կալանավորվել և հեռացվել են պաշտոնից

Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։