Իրավական10:24, 25 Հունվար 2019
Թուրքիայում կալանավորված քուրդ պատգամավորը դատարանի որոշմամբ ազատ կարձակվի
Թուրքիայում քրդամետ «Ժողովուրդների դեմոկրատական կուսակցության» (HDP) Հաքքարի շրջանից ընտրված պատգամավոր Լեյլա Գյուվենի նկատմամբ Դիարբեքիրի ծանր հանցագործությունների 9-րդ դատարանը ազատ արձակման որոշում է կայացրել:
Հունվարի 25-ին` Գյուվենի հացադուլի 79-րդ օրը, դատարանը վճռել է, որ Գյուվենի նկատմամբ խափանման միջոցը կալանքից փոխվի երկրից չհեռանալու ստորագրությամբ:
Դատական նիստին ներկա չեն գտնվել ոչ մեղադրյալը, ոչ էլ վերջինիս փաստաբանները:
Հիշեցնենք, որ Գյուվենը ձերբակալվել էր 2018թ. հունվարի 22-ին, իսկ 9 օր անց կալանավորվել Դիարբեքիրի նշյալ դատարանի կողմից:
Նշենք, որ Գյուվենի նկատմամբ «ժողովրդի մեջ քինախնդրություն և թշնամանք հրահրելու կամ տարածելու» մեղադրանք էր առաջադրվել հեռուստատեսության եթերում հնչեցրած հայտարարությունների և սոցցանցերում «Ձիթենու ճյուղ» շարժման վերաբերյալ կատարած հրապարակումների համար: Նրան սպառնում էր 17 տարի 6 ամսից մինչև 31 տարի 6 ամիս ազատազրկում:
2018թ. նոյեմբերին կայացած դատական նիստին Գյուվենը հայտարարել էր, որ հացադուլի միջոցով նա իր բողոքն է արտահայտում ՔԲԿ-ի առաջնորդ Օջալանի և առհասարակ բոլոր քաղբանտարկյալների մեկուսացման դեմ:
Պատգամավորի խոսքով` նա մինչև մահ անգամ շարունակելու է հացադուլը, քանի դեռ Օջալանի մեկուսացմանը վերջ չի տրվել և դատարանը չի դադարել անօրինական վճիռներ կայացնելուց:
Գյուվենը հայտնել է, որ ակտիվ քաղաքական գործունեություն է ծավալել` ոգնշնչվելով «Քուրդիստանի բանվորական կուսակցության» (ՔԲԿ-PKK) առաջնորդ Աբդուլլահ Օջալանի դիրքորոշումից, որով կնոջը քաղաքականության մեջ լայն տեղ է հատկացվում:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հոդվածում նշվում է, որ Թուրքիան և Ադրբեջանը ցամաքով իրար կապող միջանցքի թեման կրկին օրակարգում է։
Ֆաթիհ Էրբաքանը պնդել է, որ Իսրայելին պիտի պատասխանել իրեն հասկանալի լեզվով։
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
Թուրքիայի նախագահը նշել է, որ Անկարան պատրաստ է ցուցաբերել ցանկացած աջակցություն, այդ թվում՝ միջնորդություն։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |