Հասարակական06:14, 10 Հունվար 2019
Էրդողանն ուղերձ է հղել լրագրողներին
Թուրքիայի նախագահ Ռեջեփ Թայիփ Էրդողանը շնորհավորական ուղերձ է հղել լրագրողներին: Հունվարի 10-ը Թուրքիայում նշվում է որպես «գործող լրագրողների օր»: 1971 թվականի մարտի 12-ի ռազմական հեղաշրջումից հետո լրագրողների իրավունքներն ու խոսքի ազատությունը զգալիորեն սահմանափակվեցին: Այդ ժամանակվանից հունվարի 10-ը կոչվեց «գործող լրագրողների օր»:
Թուրքիայի նախագահի ուղերձում նշվում է, որ վերջին 16 տարվա ընթացքում երկրում իրականացված բարեփոխումները նպաստել են, որ թուրքական մամուլը հարստանա, բազմազան դառնա, ավելի ժողովրդավար և ազատական կառույցի վերածվի:
«Լրատվամիջոցների անկախությունը լավագույնս ապահովելու հարցում կարևոր է, որ մամուլի ներկայացուցիչները հավատարիմ մնան մասնագիտական էթիկային և անկողմնակալության սկզբունքին»,-ասվում է ուղերձում:
Մինչդեռ միջազգային ուսումնասիրությունները բոլորովին այլ բան են ցույց տալիս: «Լրագրողներ առանց սահմանների» իրավապաշտպան կազմակերպության 2018թ. զեկույցի համաձայն` Թուրքիան մամուլի ազատության առումով, 180 երկրների շարքում զբաղեցրել է 157-րդ տեղը: Իսկ հեղինակավոր «Լրագրողների պաշտպանության կոմիտե» (CPJ) կազմակերպության տվյալների համաձայն՝ 2018թ. ամենից մեծ թվով ազատազրկված լրագրողներ ունեցող երկրների ցանկում Թուրքիան առաջին հորիզոնականում է:
Էրդողանը հույս է հայտնել, որ լրատվամիջոցները, հաշվի առնելով մասնագիտական սկզբունքներն ու ժողովրդի զգայունությունը, կշարունակեն հավաստի տեղեկություններ փոխանցել և ներդրում ունենալ Թուրքիայի ժողովրդավարացման գործում:
Այս ենթաբաժնի վերջին նորությունները
Նշենք նաև, որ թեմայի շուրջ հայտարարություններ է կատարել նաև Թուրքիայի խորհրդարանում երկու պատգամավորով ներկայացված, ձախակողմյան «Ժողովրդացարական շրջաններ» կուսակցությունը։
Թուրքիայում ՌԴ դեսպանատունն արդեն դիմել է ավիաընկերության ղեկավարությանը պարզաբանումների ստանալու համար։
«Թուրքիայի վիճակագրական ինստիտուտի» տվյալների համաձայն՝ նրանց թիվն ավելին քան 22 մլն է:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |