Քաղաքական06:53, 08 Հունվար 2019
Բոլթոնի սկանդալային հայտարարությունից հետո ԱՄՆ-ի պատվիրակությունը մեկնում է Թուրքիա
Հունվարի 8-ին Թուրքիա է մեկնել ամերիկացի բարձրաստիճան պաշտոնյաներից բաղկացած պատվիրակություն: Վերջինիս կազմում ընդգրկված են ԱՄՆ նախագահի ազգային անվտանգության հարցերով խորհրդական Ջոն Բոլթոնը, զինուժի գլխավոր շտաբի պետ Ջոզեֆ Դանդորֆը, ինչպես նաև Սիրիայում ԱՄՆ-ի հատուկ ներկայացուցիչ Ջեյմս Ջեֆրին:
Ամերիկյան պատվիրակությունն Անկարայում մի շարք հանդիպումներ է ունենալու թուրք բարձրաստիճան պաշտոնյաների հետ: Քննարկվելու է թուրք-ամերիկյան հարաբերություններին առնչվող բազմաբնույթ հարցեր: Օրակարգում է լինելու Սիրիայից ամերիկյան ստորաբաժանումների դուրսբերման գործընթացը, Սիրիայի քրդական ուժերի, ամերիկաբնակ թուրք միլիարդատեր, իսլամի քարոզիչ, գյուլենական համայնքի առաջնորդ Ֆեթուլլահ Գյուլենի արտահանձման հարցերը:
Քննարկվելու է Թուրքիայում և ԱՄՆ-ում ահաբեկչական համարվող «Քուրդիստանի բանվորական կուսակցության» (ՔԲԿ-PKK) հարցը, ինչպես նաև թուրք-ամերիկյան ռազմական և տնտեսական հարաբերություններին առնչվող հարցեր (ամերիկյան Patriot զենիթահրթիռային ՀՕՊ համակարգեր գնելու, երկկողմ տնտեսական հարաբերությունները նախկին մակարդակին հասցնելու հարցերը):
Նախօրեին Բոլթոնը հանդես էր եկել սկանդալային հայտարարությամբ: Ասել էր, որ ԱՄՆ-ն այնքան ժամանակ չի հեռանա Սիրիայից, մինչև Թուրքիայից երաշխիքներ չստանա, որ Սիրիայի քրդերի վրա հարձակումներ չեն լինի և նրանց անվտանգությունը կապահովվի:
Թուրքիայի նախագահի մամուլի խոսնակ Իբրահիմ Քալընը Բոլթոնի հայտարարությունն անվանել էր անհիմն՝ պնդելով, թե Թուրքիայի բոլոր քայլերը Սիրիայում ուղղված են Սիրիայի քուրդ բնակչության անվտանգության ապահովմանը:
Այս ենթաբաժնի վերջին նորությունները
Հանդիպումը սպասվում է այսօր՝ օգոստոսի 1-ին, Ստամբուլում:
Թուրքիայի նախագահ Ռեջեփ Թայիփ Էրդողանը հանդիպել է Գաբոնի նախագահ Բրիս Օլիգ Նգուեմայի հետ։
Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն անդրադարձել է Վրաստանի հետ առկա տնտեսական համագործակցությանը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
ԱՄՆ նախագահը հուլիսի 31-ի հրամանագրով մի շարք երկրների նկատմամբ նոր մաքաստուրքեր է սահմանել:
Անատոլիայի հայ համայնքների վերակացու և Հաթայի եկեղեցու հոգևորական Հայր Ավետիս Թաբաշյանը Վարդավառի տոնի (Քրիստոսի Պայծառակերպության տոն) առթիվ այցելել է Մալաթիա:
Թուրքիայի ազգային հետախուզության ծառայությունը Իսրայել-Իրան 12-օրյա պատերազմի հիման վրա նոր զեկույց է հրապարակել:
Ենթադրվում է, որ սպանությունները տեղի են ունեցել դեպրեսիայի ֆոնին։
Հանդիպումը սպասվում է այսօր՝ օգոստոսի 1-ին, Ստամբուլում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |