Հասարակական13:23, 27 Դեկտեմբեր 2018
Թուրքիայում 2 հեռուստաալիքներ պատժվել են եթերում հնչած «հակաիշխանական» արտահայտությունների պատճառով
Թուրքիայում հեռարձակվող ընդդիմադիր հեռուստալիքներ համարվող Halk TV-ի և Fox TV-ի նկատմամբ պատիժ սահմանվել դրանց եթերով հեռարձակվող հաղորդումների ժամանակ հնչեցված «հակաիշխանական» արտահայտությունների համար:
Halk TV-ի նկատմամբ պատիժ սահմանելու պատճառը՝ հեռուստաալիքի հաղորդումներից մեկի ժամանակ թուրք գրող Մյուջդաթ Գեզենի հնչեցրած խոսքերն են, որում ասվել է.
«Նայի՛ր Ռեջեփ Թայիփ Էրդողան, մի փորձի՛ր իմ և մեր հայրենասիրությունը, չափդ ճանաչի՛ր»:
Իսկ Fox TV-ի նկատմամբ սահմանված պատժի պատճառը՝ հեռուստաալիքի սկանդալային հաղորդավար Ֆաթիհ Փորթաքալի հնչեցրած խոսքերն էին, ով մասնավորապես ասել էր.
«Որպես խաղասիրական ակցիա, եկեք բողոքենք թանկացումների, մասնավորապես բնական գազի թանկացումների դեմ: Եկե՛ք դա անենք: Կկարողանա ՞նք արդյոք դա անել»:
Երկու հեռուստաալիքների նկատմամբ սահմանված պատժին այն է, որ 3-ական անգամ եթեր չեն հեռարձակվելու այն հաղորդումները, որոնց ժամանակ հնչեցվել էին վերոնշյալ արտահայտությունները:
Պատիժը սահմանվել է Թուրքիայի ռադիոյի և հեռուստատեսության բարձրագույն խորհրդի (RTÜK) վերահսկողության և գնահատման վարչության կազմած զեկույցի հիման վրա:
Հետաքրքրականն այն է, որ վերոնշյալ վարչության ղեկավար Յաշար Ուղուրլուն Թուրքիայի նախագահ Ռեջեփ Թայիփ Էրդողանի ղեկավարած իշխանական «Արդարություն և զարգացում» կուսակցության համակիրներից է: Զեկույցը կազմել է հենց Ուղուրլուն: Վերջինս 2018 թվականի հունիսին տեղի ունեցած Թուրքիայի արտահերթ խորհրդարանական ընտրություններից առաջ հրաժարական էր տվել այդ պաշտոնից, որպեսզի կարողանա իշխող «Արդարություն և զարգացում կուսակցությունից» (AKP-ԱԶԿ) առաջադրվել պատգամավորի թեկնածու: Ընտրություններում չհաղթելուց հետո Ուղուրլուն կրկին վերադարձել էր նախկին պաշտոնին:
Այս ենթաբաժնի վերջին նորությունները
Նշենք նաև, որ թեմայի շուրջ հայտարարություններ է կատարել նաև Թուրքիայի խորհրդարանում երկու պատգամավորով ներկայացված, ձախակողմյան «Ժողովրդացարական շրջաններ» կուսակցությունը։
Թուրքիայում ՌԴ դեսպանատունն արդեն դիմել է ավիաընկերության ղեկավարությանը պարզաբանումների ստանալու համար։
«Թուրքիայի վիճակագրական ինստիտուտի» տվյալների համաձայն՝ նրանց թիվն ավելին քան 22 մլն է:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |