Թրամփը պատրաստվում է հանդիպել Էրդողանի հետ

Քաղաքական07:08, 25 Դեկտեմբեր 2018

Թրամփը պատրաստվում է հանդիպել Էրդողանի հետ

ԱՄՆ-ի Սպիտակ տունը հայտարարել է Դոնալդ Թրամփի և Թուրքիայի նախագահ Էրդողանի միջև կայանալիք հնարավոր հանդիպման մասին:

Հայտարարության մեջ նշվում է, որ առաջիկայում նախագահ Թրամփը պատրաստ է հանդիպման, սակայն չի շեշտվում, թե երբ կամ ինչ ծրագրով տեղի կունենա այն:

Թուրքիայի նախագահի մամուլի խոսնակ Իբրահիմ Քալընը հայտնել է, որ նախագահների դեկտեմբերյան հեռախոսազրույցի ընթացքում Էրդողանը Թրամփին Թուրքիա է հրավիրել, վերջինս ջերմորեն է արձագանքել և հավելել, որ 2019թ. ընթացքում անպայման կայցելի Թուրքիա:

Հիշեցնենք, որ երկու երկրի նախագահների վերջին պաշտոնական հանդիպումը տեղի էր ունեցել Սպիտակ տանը 2017թ. մայիսին: Թրամփը և Էրդողանը հանդիպել են նաև Արգենտինայում անցկացված Մեծ քսնայակի (G20) գագաթնաժողովի ժամանակ:

Աղբյուր` Turkiyegazetesi

Այս ենթաբաժնի վերջին նորությունները

11:53, 03 հուն

Ֆիդանն անդրադարձել է Թուրքիա-ՌԴ-Ուկրաինա եռակողմ հանդիպման արդյունքերին

Թուրքիայի ԱԳ նախարարի խոսքով, հանդիպման ժամանակ համաձայնություն է ձեռք բերվել շարունակել պատրաստությունները՝ առաջնորդների մակարդակով հանդիպման համար հող ստեղծելու ուղղությամբ։

09:57, 03 հուն

Անկարայում ոճրագործ Թալեաթ փաշային նվիրված հուշատախտակ է բացվել

Հուշատախտակի բացման նախաձեռնողը Թուրքիայի գլխավոր ընդդիմադիր, քեմալական «Ժողովրդահանրապետական կուսակցություն»-ից ընտրված Անկարայի քաղաքապետ Մանսուր Յավաշն է: