Տնտեսական10:40, 14 Դեկտեմբեր 2018
Թուրքիան գնողունակության ցուցանիշով 29-րդն է 37 եվրոպական երկրների ցանկում
Թուրքիան գնողունակության առումով զգալիորեն զիջում է Եվրամիության անդամ և թեկնածու երկրներին։ 37 եվրոպական երկրների ցանկում այս երկիրը գնողունակության ցուցանիշով 29-րդ հորիզոնականն է զբաղեցրել։
Եվրամիության վիճակագրական գրասենյակի հրապարակած գնողունակության պարիտետի համաձայն՝ ԵՄ-ում մեկ անձին բաժին ընկնող ՀՆԱ միջին ցուցանիշը 100 միավորն է։
Թուրքիայում այդ ցուցանիշը հավասար է 67 միավորի, ինչը 2 միավորով ավելի է 2018թ․ հունիսին հրապարակված նախորդ արդյունքից։
Նշված զեկույցում ընդգրկվել են ԵՄ անդամ 28 երկրները, Ազատ առևտրի եվրոպական ասոցիացիայի անդամ 3 երկրներ՝ Շվեյցարիան, Իսլանդիան և Նորվեգիան, ԵՄ անդամ դառնալու 5 թեկնածու երկրներ՝ Թուրքիան, Մակեդոնիան, Չեռնոգորիան, Սերբիան և Ալբանիան, ինչպես նաև՝ մեկ պոտենցիալ թեկնածու երկիր՝ Բոսնիա և Հերցոգովինան։
Ըստ գնողունակության պարիտետի՝ մեկ անձին բաժին ընկնող ամենաբարձր ՀՆԱ ցուցանիշն է արձանագրվել Լյուքսեմբուրգում՝ 253 միավոր։ Դա 153 տոկոսով գերազանցում է ԵՄ միջին ցուցանիշը։
Իսկ ամենացածր միավորը գրանցվել է Ալբանիայում, մեկ անձին բաժին ընկնող ՀՆԱ-ն 30 միավոր է, ինչը 70 տոկոսով պակաս է ԵՄ միջին ցուցանիշից։
Այս ենթաբաժնի վերջին նորությունները
Չինաստանից, Եգիպտոսից ու Ռուսաստանից ներմուծվող պոլիէթիլենային թաղանթները վնասում են Թուրքիայի ներքին արտադրանքին։
Թուրքիայի և Իրաքի միջև 52 տարի առաջ կնքված նավթային համաձայնագրի ժամկետն ավարտվում է 2026-ի հուլիսի 27-ին:
Ըստ նախարարի՝ նպատակ կա ուժեղացնել Թուրքիայի լոգիստիկ հնարավորությունները:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Տարածաշրջանային հարցերի փորձագետ Վահրամ Հովհաննիսյանը հարցազրույց է տվել Ermenihaber.am կայքին:
Իլհամ Ալիևի դուստրերը հոլդինգի գործընկերների թվում են ու ձեռք են բերել հյուրանոցի 50% բաժնեմասը։
Թուրքիայի Հանրապետությունը 102 տարեկան է: Այդ ընթացքում մահապատժի է ենթարկվել 712 մարդ:
Նախագահները քննարկել են Գազայում տիրող իրավիճակը և տարածաշրջանային զարգացումները։
Նշվում է, որ անտառային հրդեհները չի հաջողվում մարել քամու պատճառով։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |