Պոլսահայ լրագրողին «սրի ավելցուկ» անվանած թուրք պրոֆեսորի դեմ դատական հայց կներկայացվի

Իրավական12:37, 12 Դեկտեմբեր 2018

Պոլսահայ լրագրողին «սրի ավելցուկ» անվանած թուրք պրոֆեսորի դեմ դատական հայց կներկայացվի

Պոլսահայ լրագրող, հրապարակախոս և գրող Հայկո Բաղդատն օրերս սոցցանցային գրառմամբ նշել էր, որ Թուրքիայի ներքին գործերի նախարար Սուլեյման Սոյլուն պիտի ենթարկվի քրեական պատասխանատվության:

Դեկտեմբերի 6-ին պոլսահայ լրագրողը գրել էր. ««Սուլեյման Սոյլուն պետք է քրեական պատասխանատվության ենթարկվի» գրառումս հայհոյանքների և սպառնալիքների առիթ հանդիսացավ և ստիպեց ինձ մտածել: Նկատի ունեմ, որ Մեհմեթ Աղարը, նույնիսկ Մերալ Աքշեները «որակյալ հանցագործություններ անելու չափ» պրոֆեսիոնալ էին, իսկ Սոյլուն խղճուկի մեկն է, նա պիտի դատվի»:

Կամայական դատական հետապնդուներից խուսափելու նպատակով այժմ Գերմանիայում ապաստանած Բաղդատն այդ գրառումից հետո բազմաթիվ սպառնալիքներ ու վիրավորանքներ է ստացել սոցցանցի օգտատերերից:

Հայկո Բաղդատի հասցեին ամենաաղմկահարույց վիրավորանքը հնչեցրած Թուրքիայի Բոլուի շրջանի համալսարանի սոցիոլոգիայի ամբիոնի վարիչ պրոֆեսոր Մուսթաֆա Քեսքինի դեմ Մարդու իրավունքների պաշտպանի գրասենյակի ռասիզմի և խտրականության դեմ պայքարի Ստամբուլի հանձնաժողովը դատական հայց է ներկայացնելու:

Այս մասին տվյալ հանձնաժողովի անդամ Էրեն Քեսքինը հայտնել է թվիթերյան իր միկրոբլոգում: Էրեն Քեսքինը գրառման մեջ մասնավորապես նշել է, որ դեկտեմբերի 12-ին կդիմեն դատարան՝ պահանջելով պատասխանատվության ենթարկել Բաղդատին «սրի ավելցուկ» անվանած պրոֆեսորի: Վերջինս արդեն ջնջել է Բաղդատին վիրավորող իր գրառումը և փակել իր թվիթերյան հաշիվը:

Պարզաբանենք, որ «սրի ավելցուկ» այդ արտահայտությունով Օսմանյան կայսրության ժամանակ անվանում էին այն ժողովուրդներին, որոնց երկիրը գրավել էին մուսուլմանները, բայց բնակչությանը չէին կոտորել՝ ունենալով դրա հնարավորությունը (կյանքները բաշխել են): Հետագայում այդ տերմինը տարածվել է նաև ցեղասպանությունից փրկված հայերի վրա:

Բազմաթիվ օգտատերեր քննադատել են պրոֆեսոր Քեսքինին՝ նմանատիպ վիրավորանքի և փաստորեն Հայոց ցեղասպանության ոճիրն արդարացնելու համար:

Աղբյուր` Agos

Այս ենթաբաժնի վերջին նորությունները

11:55, 23 մայ

Թուրք ընդդիմադիր գործչին մեղադրանք է առաջադրվել Հայոց ցեղասպանության մասին գրառման պատճառով

ԺՀԿ պատգամավոր Քաֆթանջըօղլուն մեղադրվել է Էրդողանին վիրավորելու, Թուրքիայի Հանրապետությանը վիրավորելու, ահաբեկչության պրոպագանդա կատարելու մեջ։

17:20, 22 մայ

Թուրքիայի մեջլիսի վրա հարձակման փորձ կատարած անձինք կալանավորվել են

Նրանց անդամակցած «Հեղափոխական ազգային ազատագրական կուսակցություն-ճակատը» (DHKP-C) Թուրքիայում և Եվրոպայում համարվում է ահաբեկչական կառույց:

16:48, 22 մայ

Երկար ընդմիջումից հետո Թուրքիայում ցմահ բանտարկված Օջալանը կհանդիպի փաստաբանների հետ

Հանդիպումը տեղի է ունենում Թուրքիայի արդարադատության նախարար Աբդուլհամիթ գյուլի՝ Օջալանի հետ հանդիպման արգելքը վերացվելու մասին հայտարարությունից հետո: