Միջազգային13:56, 27 Նոյեմբեր 2018
Der Spiegel: «Էրդողանը վախենում է ժողովրդից»
Գերմանական «Der Spiegel» ամսագրի թղթակից, թուրքագետ Մաքսիմիլիան Փոփը «Էրդողանը վախենում է ժողովրդից» հոդվածում անդրադարձել է Թուրքիայի ներքաղաքական զարգացումներին: Հեղինակն առաջ է քաշել այն պնդումը, որ Էրդողանը վախենում է Գեզի զբոսայգու ցույցերին նմանվող նոր ընդդիմության ալիքից։
Հեղինակը հիշեցնում է, որ Գեզիի դիամդրությունը վերջին տարիներին Թուրքիայում տեղի ունեցած ամենազանգվածային շարժումն էր, որին միլիոնավոր մարդիկ էին մասնակցում։ Նշվում է, որ նախագահ Էրդողանը Գեզի զբոսայգում խաղաղ ցույց կազմակերպած քաղաքացիներին փորձում է մեղադրել նաև 2016թ․ հուլիսի 15-ի հեղաշրջման մեջ։
«Հիմա Էրդողանն ասում է՝ ով գովում է Գեզիի դեպքերը, թաքուն կամ բացահայտ կգովի նաև «Քուրդիստանի բանվորական կուսակցությանը», կաջակցի FETÖ-ին (ամերիկաբնակ թուրք գործիչ Ֆեհուլլահ Գյուլենի ղեկավարած կառույցը՝ խմբ․)։
Էրդողանը գործում է՝ համակված այն վախով, թե Գեզիի դեպքերը կարող են կրկնվել։ Քաղաքացիները կրկին սկսել են դեմ դուրս գալ Էրդողանին։ Նկատելի է, որ վերջին մի քանի շաբաթների ընթացքում այդ վախն ավելի է սաստկացել», -ասվում է հոդվածում։
Հեղինակը նշում է, որ այսօր Թուրքիան Էրդողանի իշխանության գալուց հետո ամենամեծ տնտեսական ճգնաժամն է ապրում։ «Հոկտեմբերին ինֆլյացիայի մակարդակը հասել էր 25 տոկոսի։ Առաջին անհրաժեշտության ապրանքները թանկացել են 30 տոկոսով, մրգերն ու բանջարեղենը՝ 50 տոկոսով։ Անգամ իշխանամետների շրջանում դժգոհությունները հետզհետե մեծանում են»։
Աղբյուրը բերում է վիճակագրական տվյալներ այն մասին, որ իշխող «Արդարություն և զարգացում» կուսակցության (ԱԶԿ-AKP) և Էրդողանի աջակիցների թիվը հանրության շրջանում արդեն նվազել է 40 տոկոսից։
«Քաղաքագետ Յասեմին Աջարի գնահատմամբ՝ Թուրքիայում տիրող իրավիճակը կարող է հանգեցնել նոր զանգվածային ըմբոստությունների։ Լարվածությունն աճում է և որպեսզի այդ լարվածությունը որևէ գործողության չվերածվի, այն պետք է անմիջապես ճնշվի»,-գրում է պարբերականը։
Փոփը հիշեցնում է, որ Թուրքիայի տարբեր անկյուններում քաղաքացիներն ակցիաներ են իրականացնում՝ ի պաշտպանություն ժողովրդավարության և խոսքի ազատության, իսկ Էրդողանը քրեականացնում է նման նախաձեռնությունները՝ ոստիկանության ձեռքով բռնություն և ճնշում գործադրելով ակտիվիստների դեմ։
«Նման ճնշումներով իշխանությունները ժողովրդին շատ հստակ ուղերձ են ուզում հասցնել․ թող մտքներովդ չանցնի փողոց դուրս գալ»- եզրափակում է հոդվածի հեղինակը:
Այս ենթաբաժնի վերջին նորությունները
Թուրքիայի նախագահը խոսել է F-16 ռազմական ինքնաթիռների ձեռք բերման հարցում նոր հնարավորության մասին:
Սպասվում է, որ Էրդողանը Նյու Յորքում կլոր սեղանի ձևաչափով կհանդիպի օտարերկրյա գործարարների և ներդրողների հետ։
ԱՄՆ Պետդեպարտամենտի մամուլի խոսնակը նշել է, որ ԱՄՆ-ը ողջունում է Ռուսաստանին՝ հացահատիկյանին համաձայնագրին վերադարձնելու Թուրքիայի և այլ երկրների գործադրած ջանքերը։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
ԱՄՆ ֆինանսների նախարարության ահաբեկչության և ֆինանսական հետախուզության հարցերով քարտուղարի տեղակալը Հայտարարել է մի շարք երկրների նկատմամբ նոր պատժամիջոցների մասին:
Գուսմանը նաև «TАSS»-ի և «Россия 24» հեռուստաալիքի հետ համատեղ Թուրքիայի նախագահի կյանքի մասին վավերագրական ֆիլմ է նկարահանվել:
Աբդյուլազիզ Ալհաժիրի. «Կարծում եք ձեզնից վախենալո՞ւ եմ, ինչ է թե դուք ներքին գործերի նախարար եք»:
Թուրքիայի արհմիությունների համադաշնության կողմից հրապարակված տվյալների համաձայն՝ 4 անձից բաղկացած ընտանիքի կերակրման համար անհրաժեշտ է 13․334 լիրա։
2023-ի սեպտեմբերի սկզբից ի վեր Թուրքիան 7․000 և ավելի սիրիացի փախստական է արտաքսել Սիրիա։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |