Մշակութային08:44, 26 Նոյեմբեր 2018
Էրդողանի հրահանգով արտերկրում կազմակերպվելու են Արա Գյուլերի լուսանկարների ցուցադրություններ
Թուրքիայի նախագահ Ռեջեփ Թայիփ Էրդողանը հրահանգել է արտերկրում կազմակերպել աշխարհահռչակ պոլսահայ լուսանկարիչ Արա Գյուլերի ստեղծագործությունների ցուցադրություններ:
Ցուցադրություններ են կազմակերպվելու ԱՄՆ-ի, Գերմանիայի, Անգլիայի, Իտալիայի ու Ֆրանսիայի հայտնի ցուցասրահներում: Նշվում է, որ այս պահին տեղի են ունենում կազմակերպչական և նախապատրաստական աշխատանքներ:
Հոկտեմբերի 17-ի երեկոյան Ստամբուլի հիվանդանոցներից մեկում մահացած 90-ամյա հանրահայտ լուսանկարիչը լուսանկարել էր նաև Էրդողանին: Գյուլերի մահվան առիթով Թուրքիայի նախագահը զանգահարել էր նրա հարազատներին ու իր ցավակցությունները հայտնել:
«Մեծ արվեստագետները մահից հետո շարունակում են ապրել իրենց թողած ստեղծագործություններով»,-ասել էր Էրդողանը: Վերջինիս հրամանով Գյուլերի դագաղը ծածկված էր թուրքական դրոշով:
Արա Գյուլերը ծնվել է 1928թ. օգոստոսի 16-ին Ստամբուլի Բեյողլու շրջանում բնակվող հայկական ընտանիքում: Իսկական անունն է Արամ Գյուլերյան։ Նրա հայրը Տաճատ Գյուլերանն է, իսկ մայրը՝ Վերժինե Գյուլերյան։ Գյուլերը դպրոցական տարիներին աշխատել է Թուրքիայի կինոստուդիաներում և զուգահեռ հաճախել թատերական դասընթացների: 1950թ-ից սկսել է աշխատել «Նոր Ստամբուլ» թերթում` զուգահեռ սովորելով Ստամբուլի համալսարանի տնտեսագիտական ֆակուլտետում:
1958թ. դարձել է ամերկյան «Time life», «Paris-Match» և «Der Stern» հանդեսների թղթակիցը։ 1961թ. վերջացնելով զինծառայությունը թուրքական բանակում՝ նա աշխատանքի է անցել «Hayat» թերթում` գլխավորելով լուսանկարչական բաժինը:
1960-ականներից նրա լուսանկարները զարդարել են անվանի գրողների գրքեր և ցուցադրվել աշխարհի տարբեր ցուցահանդեսներում:
Արա Գյուլերին կոչում էին «Ստամբուլի աչք», «լավագույն ֆոտոպատմաբան»մականուններով: «Դարի լավագույն լուսանկարիչ» տիտղոսակիր Գյուլերը լուսանկարել է այնպիսի աշխարհահռչակ մեծերի, ինչպիսիք են Բերտրան Ռասելը, Ուինսթոն Չերչիլը, Մարկ Շագալը, Ալֆրեդ Հիչքոքը, Թենեսի Ուիլյամսը, Պաբլո Պիկասոն, Սալվադոր Դալին, Վիլյամ Սարոյանը, Սերգեյ Փարաջանովը և այլք: Նրա լուսանկարչական աշխատանքները գտնվում են աշխարհի մի շարք թանգարաններում, մասնավոր եւ ազգային հավաքածուներում:
Վերջրերս Գյուլերի 90-ամյակի առթիվ Ստամբուլում բացվել էր մեծանուն արվեստագետի թանգարանը:
Այս ենթաբաժնի վերջին նորությունները
Ցուցահանդեսն ապրիլին բացվել էր նաև Լոնդոնում, մայիսին՝ Փարիզում, հունիսին՝ Ճապոնիայում։ Նյու Յորքից հետո Գյուլերի լուսանկարները կցուցադրվեն Հռոմում և Մոգադիշոյում։
Ջեմ Յըլմազը, մասնակցելով «Galeri 77» ցուցահանդեսին, հայ գեղանկարիչ Տարոն Մուրադյանի վրձնին պատկանող 2 կտավ է գնել:
Թուրքիայի մշակույթի ու զբոսաշրջության Վանի նահանգային վարչության պետը տվյալներ է ներկայացրել 2018 և 2019թթ. Աղթամար կղզի այցելած զբոսաշրջիկների թվի վերաբերյալ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, բայց իմ ձեռքում դրանք չպետք է լինեն. ես դա չեմ ընդունում
ամենաշատ ընթերցված
Ցուցահանդեսն ապրիլին բացվել էր նաև Լոնդոնում, մայիսին՝ Փարիզում, հունիսին՝ Ճապոնիայում։ Նյու Յորքից հետո Գյուլերի լուսանկարները կցուցադրվեն Հռոմում և Մոգադիշոյում։
Գրաֆիկական դիզայներ Վահիթ Թունայի այս նախագիծը միտված է ուշադրություն հրավիրել Թուրքիայում կանանց սպանությունների վրա:
Թուրքիայի ներքին գործերի նախարարն անդրադարձել է «Քուրդիստանի բանվորական կուսակցության» նկատմամբ ԱՄՆ-ի վարած քաղաքականությանը:
Ռուսաստանի «Միացյալ ավիաշինական կորպորացիայի» տնօրենը հայտնել է, որ Ռուսաստանը և Թուրքիան կարող են համագործակցել «MS-21 և Sukhoi Superjet» ուղևորատար ինքնաթիռների արտադրության հարցում:
ԵԽ լիագումար նիստում ընդունվել է որոշում, որով Թուրքիային կոչ է արվել ազատ արձակել բանտերում գտնվող քաղաքական գործիչներին, լրագրողներին ու մտավորականներին։
Օրացույց
Հարցումներ
Ո՞վ կլինի Թուրքիայի հաջորդ նախագահը
արտարժույթ
| EUR | TRY | USD |
| 549.84 | 90.05 | 485.12 |