Գիտակրթական08:48, 14 Նոյեմբեր 2018
Թուրքիան դրամաշնորհներով կխթանի հետազոտողների վերադարձը երկիր
Թուրքիայում մեկնարկել է «Միջազգային առաջատար հետազոտողների» նախագիծը, որի նպատակն է ապահովել երկրից հեռացած «ուղեղների» վերադարձը Թուրքիա։ Նախագիծը «Վերադարձ հայրենիք․ հետազոտական դրամաշնորհային ծրագրի» վերանայված տարբերակն է և կազմակերպվում է Թուրքիայի գիտատեխնիկական հետազոտությունների ընկերության (TÜBİTAK) կողմից։
Նախագծի վերաբերյալ հրապարակված տվյալների համաձայն՝ Թուրքիայում հետազոտություն անցկացնելու նպատակով երկիր վերադարձող փորձառու մասնագետները կստանան 1 մլն թուրքական լիրա (շուրջ 181․8 ԱՄՆ դոլար) նախնական աջակցություն։ Իսկ երիտասարդ հետազոտողներին կտրամադրվի 500․000 լիրա (90.900 դոլար) դրամաշնորհ։ Ընդ որում՝ այդ գումարները կփոխանցվեն ոչ թե անմիջապես մասնագետին, այլ այն ընդունող կազմակերպությանը, որի կազմում հետազոտողը կիրականացնի իր աշխատանքները։
Հաջորդող 24-36 ամիսների ընթացքում փորձառու մասնագետները կստանան ամսական 24․000 լիրա (4․300 դոլար), իսկ երիտասարդ մասնագետները՝ ամսական 20․000 լիրա (3․600 դոլար) դրամաշնորհ՝ կեցության հետ կապված ծախսերի համար։
Բացի այդ՝ ընտանիքի հետ Թուրքիա տեղափոխվելու դեպքում հետազոտողի ընտանիքը կստանա ևս 2․250 լիրա (409 դոլար) ընթացիկ ծախսերի համար։ Նախագծի շրջանակներում կլուծվեն ընտանիքի անդամների ապահովագրության հարցերը, ինչպես նաև՝ կփոխհատուցվեն դեպի Թուրքիա նրանց ուղևորության ծախսերը։
Թուրքիայի արդյունաբերության և տեխնոլոգիաների նախարար Մուստաֆա Վարանկի տեղեկացմամբ՝ նախագծի համար հայտերը կընդունվեն 2018թ․ դեկտեմբերի 15-ից։
Այս ենթաբաժնի վերջին նորությունները
Այս մասին հայտնել է Թուրքիայի բարձրագույն կրթության խորհրդի նախագահ, պրոֆեսոր Յեքթա Սարաչը։
Նմանաբնույթ առաջին գիտաժողովը տեղի է ունեցել 2016թ. Վրաստանի Մեսխեթ քաղաքում,
Այդ սխալմունքը թուրքական մի շարք լրատվամիջոցներ անվանել են սկանդալային:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Եվրախորհրդարանում «Մարդու իրավունքները Թուրքիայում, Դեմիրթաշի և այլ քաղբանտարկյալների վիճակը» խորագրով հատուկ նիստ է կազմակերպվել։
Ըստ թուրքական լրատվամիջոցի՝ Lapis Havacılık-ը ԱԹՍ-ների արտադրությամբ զբաղվում է 2015-ից ի վեր։
Կիրիակոս Միցոտակիսը կանադական «Monocle» ամսագրին տված հարցազրույցում անդրադարձել է թուրք-հունական հարաբերություններին։
Թուրքիայի արտգործնախար Մևլութ Չավուշօղլուն Եվրահանձնաժողովի նախագահ Ուրսուլա ֆոն դեր Լայենի և հանձնաժողովի անդամների հետ հանդիպումից հետո գրառում է արել Twitter-ում։
Օրացույց
Հարցումներ
Արևելյան Միջերկրականում թուրք-հունական լարվածությունը կվերածվի՞ ռազմական բախման։
արտարժույթ
| EUR | TRY | USD |
| 549.84 | 90.05 | 485.12 |