Իրավական13:07, 07 Նոյեմբեր 2018
Էրդողանի նախընտրական ֆոնդին 866 հանգուցյալի անունից նվիրատվություն է արվել
2018 թվականին Թուրքիայում տեղի ունեցած նախագահական ընտրություններից առաջ թեկնածուների նախընտրական ֆոնդերին դրամական նվիրատվություններ են փոխանցվել բազմաթիվ մահացած քաղաքացիների անուններից:
Թուրքիայի Կենտրոնական ընտրական հանձնաժողովի հրապարակած տվյալներից պարզ է դարձել, որ այս հարցում բացարձակ առաջատար է այդ ընտրությունների արդյունքներով Թուրքիայի նախագահ ընտրված Ռեջեփ Թայիփ Էրդողանը: Վերջինի հաշվին, որպես նախընտրական արշավի նվիրատվություն, գումար է փոխանցվել 866 մահացած մարդու անունից:
Ըստ Թուրքիայի ԿԸՀ-ի կանոնադրության՝ թեկնածուների նախընտրական ֆոնդին չեն կարող դրամ փոխանցել նաև 18 տարին չլրացած, Թուրքիաի քաղաքացի չհանդիսացող, ինչպես նաև իրավաբանական անձիք:
Ըստ կատեգորիաների՝ արգելված նվիրատվությունները բաշխվել են հետևյալ համամասնությամբ՝
Ռեջեփ Թայիփ Էրդողան-իշխանական «Արդարություն և զարգացում կուսակցություն»
18 տարին չլրացած անձանց փոխանցումներ- 748 մարդ (87546 լիրա՝ մոտ 16000 դոլար)
Մահացած մարդկանց անունով փոխանցումներ- 866 (15071 լիրա՝ մոտ 2800 դոլար)
Թուրքիայի քաղաքացիությունից դուրս եկած մարդկանց փոխանցումներ- 36 (22127 լիրա՝ մոտ 4100 դոլար)
Իրավաբանական անձանց փոխանցումներ-1 (40000 լիրա՝ մոտ 7500 դոլար)
Ըստ Թուրքիայի ԿԸՀ-ի՝ ծախսելու ոչ ենթակա այդ գումարներից 37238 լիրան (մոտ 7000 դոլար) անօրինական կերպով ծախսվել է, իսկ հաշվի վրա մնացած 55375 լիրան (10400 դոլար) գանձվել է պետական բյուջե:
Մուհարրեմ Ինջե-գլխավոր ընդդիմադիր «Ժողովրդահանրապետական կուսակցություն»
18 տարին չլրացած անձանց փոխանցումներ- 13916 լիրա (մոտ 2600 դոլար)
Մահացած մարդկանց անունով փոխանցումներ- 7(860 լիրա)
Թուրքիայի քաղաքացիությունից դուրս եկած մարդկանց փոխանցումներ- 262 (69695 լիրա՝13000 դոլար)
Ինջեի դեպքում ընդհանուր առմամբ անօրինական փոխանցումները կազմել են 74023 լիրա (13850 դոլար), որից չի ծախսվել ընդամենը 349 լիրան, ինչն էլ առգրավվել է պետական բյուջե:
Սելահաթթին Դմիրթաշ-քրդամետ «Ժողովուրդների դեմոկրատական կուսակցություն»
Ընդհանուր առմամբ արվել է 13800 լիրայի (2600 դոլար) անօրինական փոխանցում, որից չծախսված մասը կազմում է ընդամենը 110 լիրա, փոխանցվել է պետբյուջե:
Մերալ Աքշեներ-ազգայնական «Լավ կուսակցություն»
Անօրինական փոխանցված 10292(մոտ 1900 դոլար) լիրայից մնացել է միայն 192 լիրա, որը նույնպես փոխանցվել է պետությանը:
Թեմել Քարամոլլաօղլու-ընդդիմադիր «Երջանկություն կուսակցություն»
3140 լիրա (մոտ 600 դոլար) անօրինական նվիրատվությունից չծախսված մասը՝ 40 լիրան փոխանցվել է պետական գանձարան:
Դողու Փերինչեք-ազգայնական «Հայրենիք կուսակցություն»
Պետական բյուջե է փոխանցվել անօրինական նվիրատվություններից նրա հաշվին մնացած 103 լիրան:
Այս ենթաբաժնի վերջին նորությունները
ԱՄՆ-ում Թուրքիայի դեսպանն անդրադարձել է ԱՄՆ-ի կողմից Ֆեթուլլահ Գյուլենի արտահանձման խնդրին։
Թուրքիայում գյուլենական շարժումը համարվում է ահաբեկչական կազմակերպություն, իսկ շարժման ղեկավարը՝ Ֆեթուլլահ Գյուլենը, մեղադրվում է՝ 2016-ի ռազմական հեղաշրջման փոձրը կազմակերպելու մեջ։
Իր ձերբակալման մասին տեղեկությունը դերասանը հայտնել է «Twitter»-ում կատարած գրառմամբ։
Ուղիղ խոսք
Եթե Եվրամիությունը բացեիբաց ասի՝ Թուրքիային չենք ընդունելու, մենք էլ կհանգստանանք ու կանցնենք մեր «B» և «C» պլաններին:
ամենաշատ ընթերցված
«Հապա նայեք ճակատագրի և պատմության հեգնանքին. մեր կողմից գնված S-400-ների մասերը ռուսները մատակարարում են այն նույն օրը, երբ մենք 72 տարի առաջ ԱՄՆ-ի հետ ստորագրեցինք պայմանագիր»։
Պատժամիջոցները պայմանավորված են Կիպրոսի հարակից ջրերում Թուրքիայի կողմից կատարվող հորատման աշխատանքներով։
Թուրքական իշխանությունները ԵՄ-ին մեղադրել են կանխակալ վերաբերմունքի և կողմնապահ դիրքորոշման համար։
Թրամփը ստեղծված իրավիճակում մեղադրել է Բարաք Օբամայի վարչակազմին՝ նշելով, որ նրանք սխալ քայլ են արել, երբ ժամանակին Թուրքիային չեն վաճառել ամերիկյան Patriot ՀՕՊ համակարգերը։
Իսկ ավելի վաղ իշխող կուսակցության անդամը կոչ էր արել Թուրքիայից արտաքսել բուլղարացիներին ապօրինի էմիգրանտ հայերին:
Օրացույց
Հարցումներ
Ո՞վ կլինի Թուրքիայի հաջորդ նախագահը
արտարժույթ
| EUR | TRY | USD |
| 549.84 | 90.05 | 485.12 |