Թուրքիան ու Ադրբեջանը Եվրոպայում ամենավատն են տիրապետում անգլերենին

Հասարակական06:33, 06 Նոյեմբեր 2018

Թուրքիան ու Ադրբեջանը Եվրոպայում ամենավատն են տիրապետում անգլերենին

«EF Education First» միջազգային ուսումնական կենտրոնը հետազոտություններ է անցկացրել աշխարհի 88 երկրներում, որպեսզի պարզի մարդկանց անգլերենի իմացության մակարդակը։

Հետազոտությունների ընթացքում հարցումներ են անցկացվել 88 երկրներից 1.3 մլն մարդկանց շրջանում, ում մայրենի լեզուն չի հանդիսանում անգլերենը։

Մարդկանց անգլերենի մակարդակը ստուգելուց հետո, նրանք ներառվել են «շատ լավ» «լավ», «միջին», «վատ» և «շատ վատ» դասակարգումների մեջ։

Թուրքիան ու Ադրբեջանը ընգրկվել են եվրոպական երկրների ցուցակում, որում կա 19 երկիր։ Այդ ցուցակում երկրները զբաղեցրել են համապատասխանաբար 18-րդ ու 19-րդ տեղերը։ Իսկ ընդհանուր ցուցակի մեջ Թուրքիան զբաղեցրել է 72-րդ տեղը։

Ընդ որում Թուրքիան ու Ադրբեջանը ներառվել են ընդհանուր ցուցակի «շատ վատ» դասակարգման մեջ։ Այս դասակարգման մեջ են ընդգրկվել նաև Աֆղանստանը, Կամբոջան, Իրանը, Վենեսուելան, Սիրիան, Նիկարագուան։

Անգլերենին «շատ լավ» տիրապետող երկրների ցուցակը գլխավորել են Շվեդիան ու Հոլանդիան։

Աղբյուր` tr.euronews.com

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։