Սաուդյան Արաբիան Խաշոկջիի գործի վերաբերյալ նոր հայտարարությամբ է հանդես եկել

Իրավական12:12, 27 Հոկտեմբեր 2018

Սաուդյան Արաբիան Խաշոկջիի գործի վերաբերյալ նոր հայտարարությամբ է հանդես եկել

Սաուդյան Արաբիայի արտգործնախարար Ադել ալ-Ջուբեյրը Բահրեյնի մայրաքաղաք Մանամայում Մերձավոր Արևելքի թեմայով ֆորումի շրջանակներում պատասխանել է սաուդցի լրագրող Ջեմալ Խաշոկջիի սպանությանը վերաբերող հարցերին:

Ջուբեյրը մասնավորապես հնչեցրել է յան տեսակետը, որ Խաշոկջիի սպանության դեպքը վերածվել է հիստերիայի: Նա վստահեցրել է, թե նախաքննության ընթացքը վեր կհանի իրականությունը:

Սաուդյան Արաբիայի Արտաքին գործերի նախարարը ընդգծել է թուրքական ուժային կառույցների հետ համագործակցության հանգամանքը, հավելելով, որ Խաշոկջիի սպանության գործով կասկածյալների դատավարությունը տեղի կունենա Սաուդյան Արաբիայում:

Անդրադարձ կատարելով նաև Սաուդյան Արաբիա-Թուրքիա փոխհարաբերություններին՝ Ջուբեյրը հավաստիացրել է, որ Թուրքիան իրենց համար բարեկամական երկիր է և իրենց միջև առկա են լավ ներդրումային, առևտրային հարաբերություններ:

Ավելի վաղ Թուրքիայի Արդարադատության նախարարությունը պահանջագիր էր ներկայացրել Խաշոկջիի սպանության գործով Ստամբուլի գլխավոր դատախազության կողմից կասկածվող 18 անձանց հանձնման կապակցությամբ, որը Արտաքին գործերի նախարարության միջոցով հասցեագրվել էր Սաուդյան Արաբիային:

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։