Հասարակական08:35, 22 Հոկտեմբեր 2018
«Հյուպատոսարան կայցելե՞ս». Թուրք ընդդիմադիր լրագրողին սաուդցի լրագրողի ճակատագրով են սպառնացել
Թուրքիայում ազգայնական հայացքներով հայտնի Ֆերհան Աքայը «Twitter» սոցցանցում սպառնացել է ընդդիմադիր լրագրող Ջան Դյունդարին: Ընդդիմադիր հայացքների համար հետապնդումների ենթարկվելու պատճառով Դյունդարն այժմ բնակվում է Գերմանիայում: Ֆերհան Աքայը նրան սպառնացել է սպանված սաուդցի լրագրողի ճակատագրով:
Թուրանիզմի հետևորդ, հանցավոր բանդաներ ստեղծած ու ղեկավարած Սեդաթ Փեքերի աջ ձեռքը համարվող Աքայը վտարանդի թուրք լրագրողի վերաբերյալ մասնավորապես գրել է «Հյուպատոսարան կայցելե՞ս: Մի բան պետք է փորձենք…»:
Սաուդյան Արաբիայի քաղաքացի, սաուդյան իշխանությունների վերաբերյալ քննադատական հոդվածներով հայտնի, «Washington Post»-ի թղթակից Ջեմալ Խաշուկջին (Քաշըքչը) փաստաթղթային հարցերով հոկտեմբերի 2-ին մտել էր Ստամբուլում Սաուդյան Արաբիայի հյուպատոսարան և այլևս դուրս չէր եկել այնտեղից: հարազատների դիմումներից ու առաջացած աղմուկից հետո թուրքական ոստիկանությունը գործ էր հարուցել, ինչի շրջանակներում ուսումնասիրություններ էր արել հյուպատոսարանի շենքում: Արդյունքում լրագրողի սպանության, այնուհետև մարմինը մասնատելու և Թուրքիայից դուրս հանելու վերաբերյալ փաստեր էին ձեռք բերվել: Դրանից հետո միջազգային ճնշման արդյունքում Սաուդյան Արաբիայի իշխանությունները խոստովանել էին, որ ընդդիմադիր լրագրողը սպանվել է հյուպատոսարանում՝ հարցաքննության ժամանակ:
Նոր Օգյուն Սամասթները պատրաստ սպասում են
Աքայի գրառման տակ ազգայնամոլական մեկնաբանություն է թողել թուրքական «Beyaz TV»-ի հաղորդավար Էմրե Օլուրը: Վերջինս, որպես հերոսի հիշատակելով Հրանտ Դինքին սպանած Օգյուն Սամասթին, գրել է. «Նոր Օգյուն Սամասթները պատրաստ սպասում են: Մի օր անսպասելիորեն կարվի այն, ինչ անհրաժեշտ է»:
Պոլսահայ հայտնի լրագրող, հրապարակախոս, Ստամբուլում լույս տեսնող երկլեզու հայկական «Ակոս» շաբաթաթերթի հիմնադիր և գլխավոր խմբագիր Հրանտ Դինքը սպանվել է 2007 թվականի հունվարի 19-ին: Սպանությունը ազգայնականների պատվերով իրականացրել էր այն ժամանակ անչափահաս Օգյուն Սամասթը ետևի կողմից Դինքի գլխին արձակած 3 հրազենային կրակոցով:
Այս ենթաբաժնի վերջին նորությունները
Նշենք նաև, որ թեմայի շուրջ հայտարարություններ է կատարել նաև Թուրքիայի խորհրդարանում երկու պատգամավորով ներկայացված, ձախակողմյան «Ժողովրդացարական շրջաններ» կուսակցությունը։
Թուրքիայում ՌԴ դեսպանատունն արդեն դիմել է ավիաընկերության ղեկավարությանը պարզաբանումների ստանալու համար։
«Թուրքիայի վիճակագրական ինստիտուտի» տվյալների համաձայն՝ նրանց թիվն ավելին քան 22 մլն է:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Թուրքիայի Արտաքին գործերի նախարարությունն իր պաշտոնական կայքում Հայոց ցեղասպանության առնչությամբ միջազգային արձագանքները դատապարտող հայտարարություն է հրապարակել։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |