ԱՄՆ բնակիչների միայն 5 տոկոսն է Թուրքիային դաշնակից համարում

Հասարակական12:58, 22 Հոկտեմբեր 2018

ԱՄՆ բնակիչների միայն 5 տոկոսն է Թուրքիային դաշնակից համարում

Հոկտեմբերի 14-16-ին ԱՄՆ-ում անցկացված հարցումների համաձայն՝ այս երկրի բնակիչների միայն 5 տոկոսն է Թուրքիային ընկալում որպես դաշնակից երկիր։

Միջազգային «YouGov» հետազոտական ընկերության անցկացրած հարցումները ցույց են տվել նաև, որ ԱՄՆ-ի բնակիչների 7 տոկոսը Թուրքիան ընկալում է որպես թշնամական երկիր։

Ամերիկացիների 24 տոկոսը բարեկամաբար է տրամադրված Թուրքիայի հանդեպ, իսկ 28 տոկոսը՝ թշնամաբար։

ԱՄՆ բնակիչների 29 տոկոսի կարծիքով՝ նախագահ Դոնալդ Թրամփը Թուրքիայի նկատմամբ բարեկամաբար է տրամադրված, իսկ 31 տոկոսի կարծիքով՝ թշնամաբար։

Հիշեցնենք, որ թուրք-ամերիկյան հարաբերությունները վատթարացել էին Թուրքիայում ԱՄՆ քաղաքացի, քահանա Էնդրյու Բրանսոնի կալանավորման պատճառով։ Վերջինս մեղադրվում էր ահաբեկչական խմբավորումների հետ կապի մեջ։ Սակայն 2018թ․ հոկտեմբերին թուրքական դատարանի որոշմամբ Բրանսոնը ազատ արձակվեց և անմիջապես վերադարձավ ԱՄՆ։ Ակնկալվում է, որ այս հանգամանքը ճանապարհ կբացի դեպի թուրք–ամերիկյան հարաբերությունների կարգավորում։

Աղբյուր` diken.com.tr

Այս ենթաբաժնի վերջին նորությունները

15:18, 16 հուն

ԵՄ երկրները դադարեցրել են Թուրքիայի քաղաքացիների վիզայի համար դիմումների ընդունումը

Գերմանիան խստացրել է սահմանային միջոցառումները, քանի որ թուրքերը կազմում են անօրինական ներգաղթի հոսքի զգալի մասը։

16:28, 13 հուն

Թուրքիայում ինտերնետը դանդաղել է կիբերհարձակման պատճառով

Թուրքական աղբյուրների հաղորդմամբ՝ ինտերնետի արագությունը զգալիորեն նվազել է, իսկ հեռավար կապի որոշ ծառայություններում նկատվել են խափանումներ։

15:34, 12 հուն

Թուրքիայում շուրջ 4 միլիոն երեխա է աշխատում

Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։