Թուրք հայտնի ֆուտբոլիստները կարող են ձերբակալվել

Իրավական08:19, 19 Հոկտեմբեր 2018

Թուրք հայտնի ֆուտբոլիստները կարող են ձերբակալվել

Մի շարք հայտնի թուրք ֆուտբոլիստներ կասկածվում են Թուրքիայում ահաբեկչական համարվող գյուլենական համայնքին աջակցելու մեջ։

Նրանց շարքում են ներառվել «Բարսելոնայի» նախկին կիսապաշտպան Արդա Թուրանը, «Իսթանբուլ Մեդիփոլ» ակումբի ֆուտբոլիստ Էմրե Բելոզողլուն, թուրք նախկին ֆուտբոլիստ և այժմ «Ռիզեսփոր» ակումբի մարզիչ Օքան Բուրուքը, ինչպես նաև թուրքական «Անթալյասփոր»-ի մարզիչ Բյուլենթ Քորքմազը, ով նախկինում ևս եղել է ֆուտբոլիստ։

Ըստ տեղեկությունների՝ Ստամբուլի ոստիկանությունում այժմ ուսումնասիրվում է նրանց կապը գյուլենական համայնքի հետ, բայց առայժմ ֆուտբոլիստներին բերման ենթարկելու, կամ կալանավորելու որոշում չկա։ Վերջնական որոշումը կայացնելու է դատախազությունը։ Առաջիկա օրերին պարզ կլինի, թե արդյոք գործին ընթացք կտրվի, թե՝ ոչ։

Թուրքական աղբյուը հիշեցնում է, որ ավելի վաղ գյուլենական համայնքի հետ կապ ունենալու մեղադրանքով կանալավորվել էին թուրք ֆուտբոլիստներ Բեքիր Իրթեգյունը, Զաֆեր Բիրյոլը, Օմեր Չաթքըչը և Ուղուր Բորալը։

Աղբյուր` Azonceoldu.com

Այս ենթաբաժնի վերջին նորությունները

15:34, 12 հուն

Թուրքիայում շուրջ 4 միլիոն երեխա է աշխատում

Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։

15:00, 05 հուն

Ստամբուլի շրջանի ընդդիմադիր 5 համայնքապետեր կալանավորվել և հեռացվել են պաշտոնից

Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։