Իրաքը և Սիրիան քննարկում են սահմանների վերաբացման հարցը

Միջազգային13:03, 15 Հոկտեմբեր 2018

Իրաքը և Սիրիան քննարկում են սահմանների վերաբացման հարցը

Իրաքի արտգործնախարար Իբրահիմ Էլ-Ջաֆերին և նրա սիրիացի պաշտոնակից Վելիդ էլ-Մուալիմը քննարկել են երկու երկրների միջև սահմանի բացման հարցը։

Սիրիայի արտգործնախարարության կողմից հրապարակված գրավոր հայտարարության համաձայն՝ Դամասկոսում գտնվող Ջաֆերին և Մուալիմը հանգել են այն եզրակացության, որ սահմանները պետք է հնարավորինս արագ վերաբացել։

Կողմերը նշել են, որ սահմանների բացումը կնպաստի մարդկանց անցուդարձի և ապրանքաշրջանառության ակտիվացմանը, ինչպես նաև կօգնի երկու երկրներին ավելի լավ դիմակայել իրենց առջև ծառացած խնդիրներին։

Արտգործնախարարության հայտարարության մեջ, սակայն, չի նշվել, թե երկար տարիներ փակ սահմանների վերաբացմանն ուղղված քայլերը երբ են ձեռնարկվելու։ Իրաքի և Սիրիայի միջև գոյություն ունեցող 600կմ երկարությամբ սահմանին երեք սահմանային անցակետ կա՝ Ռաբիա, Էլ- Քաիմ, Էլ-Վելիդ։

Հավելենք, որ Իրաքի արտգործնախարարը երկրօրյա պաշտոնական այցով Սիրիա էր մեկնել հոկտեմբերի 14-ին։

Աղբյուր` habertürk.com

Այս ենթաբաժնի վերջին նորությունները

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: