Հայկական հարցի մասնագետ Սեյիթ Սերթչելիքը կարևոր պաշտոն է ստացել Էրդողանի աշխատակազմում

Քաղաքական11:43, 10 Հոկտեմբեր 2018

Հայկական հարցի մասնագետ Սեյիթ Սերթչելիքը կարևոր պաշտոն է ստացել Էրդողանի աշխատակազմում

Թուրքիայի նախագահ Ռեջեփ Թայիփ Էրդողանը նախագահի աշխատակազմի անվտանգության և արտաքին քաղաքականության խորհրդի անդամ է նշանակել պատմաբան, հայկական հարցի մասնագետ, պրոֆեսոր Սեյիթ Սերթչելիքին:

Սերթչելիքը 2011թ. Թուրքիայի խորհրդարանի ընտրություններին պատգամավոր է ընտրվել «Արդարություն և զարգացում կուսակցությունից»(ԱԶԿ): Իսկ 2016թ. նշանակվել է նախագահ Էրդողանի գլխավոր խորհրդական:

Նա այն եզակի թուրք պատմաբաններից է, ով տիրապետում է 10 լեզվի, այդ թվում հայերենի և ռուսերենի։

Սեյիդ Սերթչելիքը Սանկտ Պետերբուրգի պետական համալսարանի գրականագիտության ֆակուլտետում գիտական գործունեությամբ է զբաղվել: Նա հայերեն իմացող առաջին թուրք պատմաբանն է, ով հայկական հարցի շուրջ ուսումնասիրություններ է կատարել Մոսկվայի և Պետերբուրգի ռուսական արխիվներում և գրադարաններում:

2009թ. Թուրքիայի խորհրդարանի կողմից թուրքերեն և անգլերեն հրատարակվել է նրա` թուրքական պաշտոնական թեզը ներկայացնող «Հայկական հարցը ռուսական և հայկական աղբյուրների լույսի ներքո, առաջացման ընթացքը 1678-1914 թթ.» գիրքը: Իսկ հայկական հարցին առնչվող երկրորդ գիրքը` «Հայկական հարցը ռուսական և հայկական աղբյուրների լույսի ներքո, 1915-1923 գաղութատիրական պատերազմը» հրապարակվել է «Srt» հրատարակչությունում:

Աղբյուր` Ahaber

Այս ենթաբաժնի վերջին նորությունները

18:07, 28 սեպ

Ռուս լրագրողը Էրդողանի հասցեին գովեստի խոսքեր է հնչեցրել

Գուսմանը նաև «TАSS»-ի և «Россия 24» հեռուստաալիքի հետ համատեղ Թուրքիայի նախագահի կյանքի մասին վավերագրական ֆիլմ է նկարահանվել:

21:48, 27 սեպ

Հայաստանի ու Թուրքիայի արտգործնախարարները հեռասխոսազրույց են ունեցել

Միրզոյանը և Ֆիդանը քննարկել են ընթացիկ տարածաշրջանային զարգացումները։

18:35, 26 սեպ

Ըստ թուրքական ԶԼՄ-ի՝ Ադրբեջանը Հայաստանից պահանջում է 100 մլրդ դոլարի փոխհատուցում

Նշվում է, որ, եթե Հայաստանը չվճարի վերոհիշյալ փոխհատուցումը, ապա կպահանջվի ողջ «Զանգեզուրի շրջանը» և «Գյոքչե լճի» (Սևանա լիճ) շրջակայքը վերադարձնել Ադրբեջանին։