Իրավական09:19, 09 Հոկտեմբեր 2018
Դիարբեքիրում և այլ նահանգներում շուրջ 100 մարդ է ձերբակալվել
Հոկտեմբերի 9-ին Թուրքիայի տարբեր նահանգներում իրականացված ոստիկանական գործողությունների արդյունքում ձերբակալվել է շուրջ 100 մարդ, որոնք հիմնականում լրագրողներ ու քաղաքական գործիչներ են։ Մասնավորապես 80 անձ ձերբակալվել է Դիարբեքիր նահանգի 8 շրջանում, մյուսները՝ Ստամբուլում, Վանում, Շրնաքում, Շանլըուրֆայում, Բաթմանում, Մարդինում, Մերսինում։
Ոստիկանները մարդկանց տներ են այցելել զրահամեքենաների ուղեկցությամբ, որոշ դեպքերում տուն մտնելու համար անգամ կոտրել են մուտքի դռները, տներում խուզարկություններ են կատարվել, առգրավվել են անձնական իրեր։ Ձերբակալությունների վերաբերյալ որևէ հիմնավորում առայժմ չի հրապարակվել, սակայն հայտնի է, որ ձերբակալվածները տարվել են Դիարբեքիրի անվտանգության վարչության՝ ահաբեկչության դեմ պայքարի բաժին։
Ձերբակալվածների թվում է նաև քրդամետ ընդդիմադիր «Ժողովուրդների դեմոկրատական» կուսակցության (ԺԴԿ-HDP) Դիարբեքիրի նահանգային կառույցի համանախագահ Մեհմեթ Շերիֆ Չամչըն։ ԺԴԿ-ի Դիարբեքեիրի նահանգային կառույցի շենքի մոտ մեծ թվով զրահամեքենաներ ու արագ արձագանքման վարչության մեքենաներ են կուտակվել։
ԺԴԿ հայ պատգամավոր Գարո Փայլանը դեպքի առթիվ գրառում է կատարել Twitter-ում․
«Արդարություն և զարգացում» կուսակցությունը (ԱԶԿ-AKP) Դիարբեքիրում սկսել է նախընտրական արշավը։
Լրագրողները, քաղաքական գործիչները, աստվածաբանները ձերբակալված են․․․
Ինչ ուզում են՝ թող անեն, Դիարբեքիրը կազատվի այդ անխիղճներից», - գրել է հայ պատգամավորը։
Այս ենթաբաժնի վերջին նորությունները
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Դատական գործում մեղադրվում է 108 անձ, որից 24-ը կալանավորված է:Նրանց թվում է նաև քրդամետ ԺԴԿ-ի նախկին համանախագահ Սելահաթթին Դեմիրթաշը:
Ծագումվող ղազախ հանցագործը ձերբակալվել է Ստամբուլում անցկացված «Mahzen-27» գործողության արդյունքում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիան շարունակում է քննադատորեն արձագանքել Էգեյան ծովում Հունաստանի վարած քաղաքականությանը։
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Մշտադիտարկման համատեղ կենտրոնը հիմնվել էր 2020թ. 44-օրյա պատերազմից հետո։
Թուրքիայի արտգործնախարարությունն արձագանքել է Բրյուսելում կայացած ԵՄ գագաթնաժողովի արդյունքներն ամփոփող տեղեկագրի՝ Թուրքիային վերաբերող հատվածին։
Առաջիկայում սպասվում է Էրդողանի այցն Իրաք, որտեղ քննարկվելու է քուրդ զինյալների դեմ ցամաքային գործողություններըի հարցը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |