Իրավական09:28, 01 Հոկտեմբեր 2018
Թուրքիայում ձերբակալվել են «Bylock» հավելվածն օգտագործելու մեջ մեղադրվող տասնյակ անձինք
Անկարայի հանրապետական դատախազության կողմից իրականացված հետաքննության շրջանակում Թուրքիայում արգելված «By Lock» բջջային հավելվածն օգտագործելու մեջ մեղադրվող 47 անձանց նկատմամբ ձերբակալման որոշում է կայացվել: Նրանցից 25-ն արդեն բերման են ենթարկվել:
Կասկածյալների թվում են Թուրքիայի առողջապահության նախարարության և մասնավոր հիվանդանոցների 14 աշխատակից, Ընտանիքի, աշխատանքի և սոցիալական ապահովության հարցերի նախարարության՝ աշխատանքից ազատված 27 աշխատակից, ազգային կրթության նախարարության 3 նախկին աշխատակից, փակված կազմակերպության նախկին 2 ղեկավար, ինչպես նաև փակված լրատվական կազմակերպության 1 թղթակից:
Նշենք, որ «Bylock» բջջային հավելվածը հնարավորություն է տալիս օգտատերերին հաղորդակցվել ծածկագրերի միջոցով: Թուրքիայում համարվում է, որ այս հավելվածն օգտագործում են գյուլենականները՝ միմյանց հետ գաղտնի հաղորդակցվելու համար:
Հիշեցնենք, որ գյուլենական համայնքը Թուրքիայում համարվում է ահաբեկչական կազմակերպություն: Իսկ վերջինիս առաջնորդ, իսլամի քարոզիչ ամերիկաբնակ միլիարդատեր Ֆեթթուլահ Գյուլենը մեղադրվում է 2016-ի հուլիսին ռազմական հեղաշրջման փորձ նախաձեռնելու մեջ:
Թուրքական իշխանությունները բազմիցս դիմել են ԱՄՆ-ի ղեկավարությանը՝ կոչ անելով արտահանձնել ԱՄՆ-ի Փենսիլվանիա նահանգում բնակվող Գյուլենին, բայց ապարդյուն:
Այս ենթաբաժնի վերջին նորությունները
Թուրքիայի նախագահ Ռեջեփ Թայիփ Էրդողանը Ադրբեջանից վերադառնալիս պատասխանել է լրագրողների հարցերին։
Սահմանային անցակետերում առգրավված ապրանքների մեծ մասը եղել են խնամքի կոսմետիկ պարագաներ և կոշկեղեն:
Թուրքիային հանձնված կասկածյալները մեղադրվում են զինված կողոպուտի և թմրամիջոցների վաճառքի մեջ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ակցիայի մասնակիցները նշել են, որ Իգդիրն այժմ շատ է վնաս կրում Մեծամորի ԱԷԿ-ի պատճառով։
2025 թ. երկրորդ կեսը և 2026 թ. ցույց կտան, թե որքանով կկարողանա Անկարան բավարարել իր բարդ և երբեմն հակասական արտաքին քաղաքականական նպատակները:
Հեռախոսազրույցի ընթացքում կողմերը քննարկել են Գազայում հարդադար հաստատելու բանակցությունները և տարածաշրջանային վերջին զարգացումները։
Հանդիպումը կկայանա տեղական ժամանակով 14:00-ին՝ Չըրաղան պալատում։
Այդ մասին հայնել է Թուրքիայի էներգետիկայի և բնական պաշարների նախարարը Բաքվի էներգետիկ շաբաթվա բացման արարողության ընթացքում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |