Քաղաքական12:27, 24 Սեպտեմբեր 2018
Էրդողանի հոդվածը ռուս-թուրքական հարաբերությունների ու համագործակցության մասին
Թուրքիայի նախագահ Ռեջեփ Թայիփ Էրդողանը ռուսական «Կոմերսանտ» թերթում հոդված է հրապարակել ռուս-թուրքական հարաբերությունների մասին: Էրդողանը նախ անդրադարձել է Ռուսաստանի նախագահ Վլադիմիր Պուտինի հետ նախորդ շաբաթ Սիրիայի Իդլիբ նահանգի վերաբերյալ ձեռք բերված համաձայնությանը՝ ավելացնելով, որ այդ «համաձայնությամբ կանխվել է Սիրիայում հնարավոր հումանիտար ճգնաժամը»:
Թուրքիայի նախագահը Ռուսաստանին համարել է առաջինը այն երկրների շարքում, որոնց հետ Թուրքիան աշխատում է Սիրիայի հարցի լուծման ուղղությամբ:
Էրդողանը շատ կարևոր է համարել նաև Ռուսաստանի ու Իրանի հետ իրականացվող Աստանայի գործընթացը. «Մեր միջև մտածողության ու մոտեցումների տարբերություն կա, սակայն մենք տարբերություններց ավելի շատ կարողացանք ընդհանրությունները վեր հանել: Հուսով եմ, որ այս համագործակցությունն ապագայում ևս կշարունակվի»:
Թուրքիայի նախագահը Սոչիում Պուտինի հետ ձեռք բերված համաձայնության վերաբերյալ ասել է հետևյալը. «Իդլիբի հարցով Սոչիում ձեռք բերված համաձայնությամբ որոշեցինք ապառազմականացված գոտի հիմնել: Ընդդիմադիրները կշարունակեն մնալ այն տարածքներում, որոնցում հիմա գտնվում են: Իսկ մեր և Ռուսաստանի կողմից որպես ծայրահեղական խմբավորում ընդունվածներին թույլ չենք տալու այդ տարածաշրջանում գործունեություն ծավալել:
Էրդողանը խոսել է նաև քրդական ծայրահեղական կազմակերպությունների, Սիրիայի քրդերի «Ժողովրդի ինքնապաշտպանության ուժերի», Սիրիայի քրդերի «Ժողովրդավարական միություն» կուսակցության մասին՝ նրանց բոլորին համարելով ահաբեկչական կազմակերպություն ու ակնկալելով Ռուսաստանի աջակցությունը դրանց դեմ Թուրքիայի մղած «պայքարին»:
Գալով Սիրիայի հարցով բանակցություններին՝ Թուրքիայի նախագահը նշել է, որ իրենք կողմ են այդ բանակցություններին «չափավոր ընդդիմադիրների» մասնակցությանը, քանի որ «դա անհրաժեշտություն է Ժնևի ու Աստանայի ձևաչափերն առաջ մղելու համար»:
Էրդողանը հավաստիացրել է, որ ռուս-թուրքական համատեղ էներգետիկ նախագծերի, փոխադարձ ներդրումների և հումանիտար ու մշակութային հարաբերությունների զարգացման համար իրենք անում են անհրաժեշտ բոլոր քայլերը:
«Հավատում եմ, որ նույն տարածաշրջանը կիսող և հարյուրամյակներ շարունակ պատմություն կերտած թուրք և ռուս ժողովուրդները պետք է ունենան խորը, անկեղծ և մտերիմ հարաբերություններ: Ցանկանում եմ շեշտել, որ միշտ աջակցելու ենք այս ուղղությամբ իրականացվող քայլերին»,- եզրափակել է Էրդողանը:
Այս ենթաբաժնի վերջին նորությունները
Թուրքիայի գանձապետարանի և ֆինանսենրի նախարարը խոսել է տնտեսական բարեփոխումների շրջանակներում գնաճը հաղթահարելու նպատակով ձեռնարկվելիք անհրաժեշտ քայլերի մասին:
Ազատ գրաֆիկով և հեռավար տարբերակով աշխատող մարդկանց համար նախատեսված «Digital nomads» վիզան կտրամադրվի 3-ից 5 տարով:
Հայտարարության մեջ նշվում է, որ լարվածությունը, որը սկսվել է Դամասկոսում Իրանի դեսպանատան վրա Իսրայելի հարձակմամբ հակասում է միջազգային իրավունքին․
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիան շարունակում է քննադատորեն արձագանքել Էգեյան ծովում Հունաստանի վարած քաղաքականությանը։
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Մշտադիտարկման համատեղ կենտրոնը հիմնվել էր 2020թ. 44-օրյա պատերազմից հետո։
Թուրքիայի արտգործնախարարությունն արձագանքել է Բրյուսելում կայացած ԵՄ գագաթնաժողովի արդյունքներն ամփոփող տեղեկագրի՝ Թուրքիային վերաբերող հատվածին։
Առաջիկայում սպասվում է Էրդողանի այցն Իրաք, որտեղ քննարկվելու է քուրդ զինյալների դեմ ցամաքային գործողություններըի հարցը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |