Արարատ լեռան լանջերին հրդեհ է բռնկվել

Տարածաշրջան11:33, 18 Սեպտեմբեր 2018

Արարատ լեռան լանջերին հրդեհ է բռնկվել

Ներկայումս Թուրքիայի Իգդիր նահանգում գտնվող Արարատ լեռան լանջերին հրդեհ է բռնկվել, որը տեսանելի է նաև Հայաստանի բնակավայրերից: Թուրքական լրատվամիջոցները հրդեհի մասին առաջին անգամ տեղեկացրին սեպտեմբերի 15-ին, այնուհետև՝ սեպտեմբերի 17-ի երեկոյան դարձյալ տեղ գտան հրապարակումներ ավելի մեծածավալ հրդեհի մասին:

Ըստ այդ տեղեկությունների՝ հրդեհից վնասվել է մոտ 2500 հեկտար տարածություն: Լրատվամիջոցները նշում են, որ հրդեհի պատճառը դեռևս անհայտ է:

Հրդեհի ահազանգից հետո դեպքի վայր են ժամանել Իգդիրի անտառային տնտեսության տնօրինությունը և ժանդարմերիայի ջոկատներ:

Տեղանքի անհասանելության պատճառով հրշեջ մեքենաները չեն կարողացել մոտենալ և մարել կրակը, ուստի հրդեհը մարվել է հող նետելու միջոցով:

Իգդիրի անտառային տնտեսության տնօրեն Թաներ Թազեգյունը լրագրողներին հայտնել է, որ բոլոր հնարավոր միջոցները գործի դնելով՝ նրանց հաջողվել է դեպքի վայր ժամանելուց երկու ժամ անց հրդեհը վերցնել վերահսկողության տակ և կանխել դրա հետագա տարածումը: Այլապես կարող էր վնասվել նաև 160 հեկտար տարածությամբ անտառային տարածք Մեծ Մասիսի լանջերին:

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։