Իդլիբի շրջանում քիմիական զենքի կիրառման դեպքում 4 միլիոն քաղաքացու կյանքը վտանգի տակ կլինի

Տարածաշրջան12:22, 07 Սեպտեմբեր 2018

Իդլիբի շրջանում քիմիական զենքի կիրառման դեպքում 4 միլիոն քաղաքացու կյանքը վտանգի տակ կլինի

Թեհրանում Սիրիայի հարցով Թուրքիա-Ռուսաստան-Իրան եռակողմ գագաթնաժողովից առաջ հանդիպում է կայացել Թուրքիայի նախագահ Ռեջեփ Թայիփ Էրդողանի և Իրանի նախագահ Հասան Ռոհանիի միջև: Հանդիպման ընթացքում երկու երկրների ղեկավարները քննարկել են Իդլիբի հարցը:

Թուրքական աղբյուրը նշում է, որ Թուրք-սիրիական սահմանին գտնվող Իդլիբի շրջանում քիմիական զենքի կիրառման դեպքում կվտանգվի 4 մլն քաղաքացու կյանք, և նոր հարձակումների հետևանքով կարող է գաղթի մեծ ալիք սկսվել:

Իրանի նախագահ Ռոհանին գոհունակությունն է հայտնել Թուրքիայի նախագահին հյուրընկալելու կապակցությամբ և հավելել, որ հանդիպումը լավ առիթ է քննարկելու երկողմ հարաբերությունները:

Ավելի ուշ Էրդողան-Ռոհանի հանդիպումը փակ դռների ետևում է շարունակվել:

Նախագահ Էրդողանին ուղեկցել են Թուրքիայի պաշտպանության նախարար Հուլուսի Աքարը, արտգործնախարար Մևլութ Չավուշօղլուն, գանձապետարանի և ֆինանսների նախարար Բերալ Ալբայրաքը, ազգային հետախուզական ծառայության ղեկավար Հաքան Ֆիդանը, նախագահականի կապի ղեկավար Ֆահրեթթին Ալթունը և նախագահի մամուլի քարտուղար Իբրահիմ Քալընը:

Աղբյուր` Hurriyet

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։