Հասարակական09:18, 07 Սեպտեմբեր 2018
Թուրքիայի բնակչությունն արագորեն ծերանում է
Թուրքիայի բնակչության շրջանում տարեց մարդկանց թիվը հետզհետե աճում է։ Թուրքիայի վիճակագրական ընկերության (TÜİK) տվյալների համաձայն՝ 1990-ականներին տարեցները կազմում էին բնակչության 4 տոկոսը, իսկ ներկայումս այդ ցուցանիշը հասել է 9 տոկոսի։
Ըստ կանխատեսումների, եթե Թուրքիայի բնակչությունը նույն ռիթմով շարունակի ծերանալ, ապա ընդամենը 22 տարի հետո կդասվի «շատ ծեր բնակչություն» ունեցող երկրների շարքին։ Ծնելիության մակարդակն այս երկրում գնալով նվազում է, իսկ տարեց բնակչությունը (65+) ավելանում է։
Աղբյուրի տվյալների համաձայն՝ 2001թ․ Թուրքիայում ծնելիության ցուցանիշը կազմում էր 2․38, ապա 2017թ․ այն կազմում էր արդեն 2․07։ Մյուս կողմից, 2001թ․ յուրաքանչյուր 1000 անձին բաժին ընկնող ողջ ծնված երեխաների քանակն արտացոլող միջինացված ցուցանիշը կազմում էր 20․3, իսկ 2017թ․ այդ ցուցանիշը կազմել է 16․1։ Այս տվյալները ևս «շատ ծեր բնակչություն ունեցող» երկրներին բնութագրող չափանիշներից են։
Ծերացող Թուրքիայում նվազում է նաև «աշխատունակ տարիքի» բնակչության թիվը։ 2018թ․ դրությամբ աշխատունակ (15-64 տարեկան) բնակչությունը կազմում է երկրի ընդհանուր բնակչության 67 տոկոսը։ Սա թեև վատ ցուցանիշ չէ, բայց ըստ աղբյուրի գնահատման, ծնելիության ցածր մակարդակի պատճառով այս տարիքային խմբի ներկայացուցիչների թիվն էլ շատ արագ կնվազի։
Մասնագետների պնդմամբ՝ 2040թ․ Թուրքիայի հասուն (15-64) քաղաքացիների թիվը կհասնի առավելագույն ցուցանիշի, ինչից հետո կսկսի նվազել։ Դրանից հետո երկրի տարեց բնակչության թիվը կգերազանցի երեխաների թվին։
Այս ենթաբաժնի վերջին նորությունները
Սոցհարցման մասնակիցների մեծ մասը կարծում է, որ Թուրքիայի վրա հնարավոր հարձակման դեպքում ՆԱՏՕ-ն օգնության չի գա:
Էրդողան. «Դեմոգրաֆիայի խնդիրը մեր ազգի համար քիչ-քիչ վերածվում է գոյության մարտահրավերի»
Նշվում է, որ այն պարունակում է պիստակ, ինչի մասին փաթեթավորման վրա նշված չէ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Քուրդիստանի բանվորական կուսակցության» խոսնակը գործընթացի հնարավոր շարունակականությունը կապել է Թուրքիայի գործողությունների հետ։
Ձերբակալվածները նշել են, որ եթե մեքենայում հնչեր «Որքան երջանիկ եմ, որ թուրք եմ» երգը, այս ամենը տեղի չէր ունենա։
Սոցհարցման մասնակիցների մեծ մասը կարծում է, որ Թուրքիայի վրա հնարավոր հարձակման դեպքում ՆԱՏՕ-ն օգնության չի գա:
Էրդողան. «Դեմոգրաֆիայի խնդիրը մեր ազգի համար քիչ-քիչ վերածվում է գոյության մարտահրավերի»
Համագործակցության մասին համապատասխան փաստաթուղթը նախատեսվում է ստորագրել 2025-ի վերջին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |