Սիրիայի արտգործնախարար. «Թուրքերը պետք է հասկանան, որ Իդլիբը սիրիական տարածք է»

Տարածաշրջան09:16, 03 Սեպտեմբեր 2018

Սիրիայի արտգործնախարար. «Թուրքերը պետք է հասկանան, որ Իդլիբը սիրիական տարածք է»

Սիրիայի արտգործնախարար Վելիդ Մուալիմը հայտարարություն է արել սիրիական բանակի դեպի Իդլիբ ռազմական օպերացիայի վերաբերյալ:

Մուալիմը Թուրքիայի ռազմական գործողության պատրաստությունների առնչությամբ ասել է.«Չենք ցանկանում Իդլիբում բախվել Թուրքիայի հետ, սակայն թուրքերը պետք է հասկանան, որ Իդլիբը սիրիական տարածք է»:

Սիրիայի արտգործնախարարը նշել է, որ Իդլիբում ծրագրված շարժման թիրախն է մաքրել շրջանը ջիհադական խմբերից: Միջազգային դերակատարները պետք է այս ջանքերը ճանաչեն որպես Սիրիայի ինքնիշխանության իրավունք:

Մուալիմը «Russia Today»-ին տված հարցազրույցի ժամանակ ասել է, որ Իդլիբի համար բախտորոշ է լինելու սեպտեմբերի 7-ին Թեհրանում կայանալիք գագաթաժողովը, որին մասնակցելու են Թուրքիան, Իրանը և Ռուսաստանը:

Սիրիացի նախարարը, անդրադառնալով այն հարցին, թե ինչ ճակատագիր կունենա «Սիրիայի ժողովրդավարական ուժեր» (SDF) ընդդիմադիր դաշինքը, ասել է, որ Վաշինգտոնը անվստահելի գործընկեր է:

Նախարարի խոսքով` քրդերը Սիրիայի մի մասն են, ինչպես նաև Սիրիայի քաղաքացի: ԱՄՆ-ն ինչ խոստումներ էլ որ տա, պետք է հետադարձ հայացք ձգի, թե վերջին հարյուրամյակում միջազգային ուժերին վստահելը ինչերի է հանգեցրել:

Մուալիմը հարցազրույցի ժամանակ հայտնել է, որ պատրաստ են քրդական խմբերի հետ երկխոսության:

«Ուսումնասիրում ենք մշակութային և պատմական մի շարք պահանջներ և պատրաստ ենք ուշադրություն դարձնել այդ պահանջներին: Սակայն Սիրիան նույնպես ունի կարմիր գծեր, որոնց մեջ ներառվում են տարածքային ամբողջականությունը և ինքնիշխանությունը»:

Նախարարն ընդգծել է, որ թույլ չեն տա անջատողականություն, ֆեդերալիզմ: Իրենց առաջնահերթությունն է երկխոսության միջոցով գալ համաձայնության:

Աղբյուր` Gazeteduvar

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։