Հունաստանում 48 ժամով ազատ է արձակվել թուրք դիվանագետներին սպանած անձը

Իրավական13:25, 30 Օգոստոս 2018

Հունաստանում 48 ժամով ազատ է արձակվել թուրք դիվանագետներին սպանած անձը

Պաշտոնական Անկարան դատապարտել է Հունաստանի դատարանի որոշումը, որով 48 ժամով ազատ էր արձակվել 1991-1994թթ. թուրք դիվանագետների սպանած ազգությամբ հույն Դիմիտրիս Կուֆոդինասը։ Վերջինս «Նոյեմբերի 17» անվամբ հունական հեղափոխական կազմակերպության անդամ է։

Թուրքիայի արտգործանախարարության հայտարարության մեջ ասվում է, որ սա 4-րդ դեպքն է, երբ նա մի քանի ժամով ազատ է արձակվում բանտից։

«Խստորեն դատապարտում ենք Հունաստանի պաշտոնյաների՝ «Նոյեմբերի 17» ահաբեկչական կազմակերպության անդամ, դատապարտյալ Դիմիտրիս Կուֆոդինասին ժամանակավորապես ազատ արձակելու որոշումը»,- ասվում է հայտարարության մեջ։

Հավելվում է, որ սրանով «անհարգալից վերաբերմունք» է դրևսորվում այդ գործողությունների հետևանքով տուժածների նկատմամբ։

Թուրքական աղբյուրը նշում է, որ վերոնշյալ կազմակերպությունը զինված գործողություններ է իրականացրել մի շարք թուրք դինագետների դեմ։ Մասնավորապես 1991-1994թթ. զինված գործողությունների հետևանքով սպանվել էին Աթենքում աշխատող թուրք դիվանագետներ Չեթին Գյորգյուն, Օմեր Սիփահիօղլուն։ Բացի այդ վիրավորվել էին նաև Աթենքում Թուրքիայի դեսպանատան խորհրդական Դենիզ Բյոլուքբաշըն ու ևս մի քանի աշխատակիցներ։

«Նոյեմբեր 17» կազմակերպությունը հիմնադրվել է 1973թ.-ին։ Ձախակողմյան, ծայրահեղական, հեղափոխական ուղղվածություն է ունեցել։ Այն զինված գործողություններ է իրականացրել աշխարհի տարբեր երկրներում, որի հետևանքով սպանվել է ընդհանուր 23 մարդ։ Կազմակերպությունը դադարել է գործել 2002 թվականից:

Աղբյուր` Milliyet

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։