Իրավական08:00, 29 Օգոստոս 2018
Թուրքիայում ամերիկացի հոգևորականի գործով նոր «գաղտնի վկա» է հայտնվել
Թուրքիայում ամերիկացի հոգևորական Էնդրյու Բրանսոնի դեմ նոր մեղադրանքներ առաջադրելու փորձ է արվում:
Թուրք-ամերիկյան հարաբերությունների ճգնաժամի պատճառ դարձած Բրանսոնի դատական գործի հետ կապված նոր զարգացումներ են ի հայտ եկել:
Գործով նոր վկա է ներգրավվել, ով ցանկացել է, որ իր անձը գաղտնի մնա:
Ըստ թուրքական աղբյուրի՝ անձը, ով դիմել է «գաղտնի վկա» լինելու համար, հայտնել է, որ Բրանսոնը անգլիացի և ամերիկացի ընկերների հետ միասին կրոնական առաքելություն է իրականացրել, իսկ ինքը նրանց համար որոշ ժամանակ թարգմանչի և էքսկուրսավարի ծառայություն է մատուցել:
«Գաղտնի վկան» Իզմիրի հանրապետական գլխավոր դատախազություն դիմել է 2018թ. մայիսի 9-ին:
Վկայի խոսքերով Բրանսոնն ու ընկերները Ստամբուլի «Իսթիքլալ» պողոտայում «Յիղիթ» հայտարարությունների գրասենյակում քրիստոնեությամբ հետաքրքրվող անձանց համար հայտարարություն են տվել և վերջիններիս հետ առանձին հանդիպումներ կայացրել:
«Գաղտնի վկայի» համոզմամբ` Բրանսոնը քրդերին քրիտոնեացնելու համար Ֆերիքյոյում հավաքներ է կազմակերպել:
Ըստ գաղտնի վկայի ցուցմունքի` Օրթաքյոյում գյուլենական իսրայելցի իմամի հետ հանդիպման ժամանակ սեղանին դրված է եղել «Քուրդիստանի» քարտեզը:
Վկան պատմել է նաև Թուրքիայում ահաբեկչական համարվող գյուլենական շարժման բարեգործական գումարների մասին: Վկայի պնդմամբ` ավելի ուշ բարեգործական գումարները նավով, ծովային ճանապարհով տեղափոխել են Իսրայել:
«Գաղտնի վկան» հաղորդում է, որ միևնույն ժամանակ իրանցիների հետ նավթային առևտրով էր զբաղված: Հսկայածավալ ապրանքներ էր գրանցված վկայի անունով: Բարեգործական գումարները հավաքում էին նաև Սիրքեջիում գտնվող հավաքատեղիում, որից հետո կրկին ծովային ճանապարհով տեղափոխում:
Հիշեցնենք, որ Թուրքիայում ահաբեկչական կառույցների հետ կապ ունենալու և լրտեսություն անելու մեղադրանքով կալանավորված Էնդրյու Բրանսոնի խափանման միջոցը հուլիսի 26-ին (2018թ.) թուրքական դատարանը փոխել էր՝ սահմանելով տնային կալանք: Չնայած ԱՄՆ-ի իշխանությունները ողջունել էին դատարանի որոշումը, այնուամենայնիվ, այն համարել էին ոչ բավարար:
Բրանսոնի փաստաբանն գոստոսի 17-ին դատարանին դիմել է Բրանսոնի նկատմամբ սահմանված տնային կալանքը և Թուրքիայի սահմաններից դուրս գալու արգելքը վերացնելու միջնորդությամբ, սակայն այս անգամ ևս դատարանը մերժել էր առարկությունը:
Այս ենթաբաժնի վերջին նորությունները
Թուրքիայի նավահանգիստ այցելող նավերից կպահանջվեն փաստաթղթեր, որոնցում նշված կլինի, որ նրանք ռազմական բեռներ չեն տեղափոխում Իսրայել։
Օզգյուր Օզելը մեղադրվում է Թուրքիայի նախագահին վիրավորելու մեջ:
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Հայկական ծագումով ամերիկացի լրագրողի այն հարցին, թե ինչու ոչ մի վարչապետ չի ճանաչել ցեղասպանությունը, Նեթանյահուն պատասխանել էր. «Ես հենց նոր ճանաչեցի»:
Նշվում է, որ այսպես կոչված «Զանգեզուրի միջանցքի» շրջանակում Ադրբեջանում կառուցվող 110․4 կմ երկաթգիծը և 104 կմ ավտոճանապարհի նախագծերը ևս «Քալյոն» ընկերությունն է իրականացնում։
Թուրքիայում գործող «Areda Survey» հետազոտական ընկերությունը հրապարակել է «Արտաքին քաղաքականություն և ռազմարդյունաբերություն» սոցհարցման արդյունքները։
Մասնագետները հորդորում են անցնել ջրի խնայողությանը և ոռոգման նոր համակարգերի կիրառմանը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |