Միջազգային06:53, 29 Օգոստոս 2018
Գերմանիայի Վիսբադեն քաղաքում կանգնեցվել է Էրդողանի 4 մետրանոց հսկա արձանը
Գերմանիայում անցկացվող «Wiesbaden Biennale» փառատոնի շրջանակներում Վիսբադեն քաղաքի կենտրոնում կանգնեցվել է Թուրքիայի նախագահ Ռեջեփ Թայիփ Էրդողանի հսկայական արձանը։ Փառատոնը այս տարի անցկացվել է «Bad news» («Վատ լուրեր») կարգախոսով։
4 մետր բարձրությամբ արձանը տեղադրվել է օգոստոսի 27-ի երեկոյան և անմիջապես հայտնվել համընդհանուր ուշադրության կենտրոնում։ Արձանի մասին լուրերը արագ տարածվել են քաղաքում, բնակիչները լուսանկարել ու տեսագրել են արձանն ու կիսվել սոցիալական ցանցերում։ Օգտատերերը սկզբում թերահավատորեն են վերաբերվել փաստին, ապա զայրույթի ալիք է բռնկվել։
Facebook սոցիալական ցանցում օգտատերերը արձանի վերաբերյալ հետևյալ մեկնաբանություններն են թողել՝ «Սա արվե՞ստ է, չի՞ կարելի ապամոնտաժել», «Պետք է որ չար կատակ լինի», «Սա ի՞նչ մտավոր հետամնացություն է», «Էստեղ անպայման մի կեղծիք կա, չեմ կարող պատկերացնել, որ նման բանի կարելի էր թույլտվություն տալ»։
Մի սիրիացի փախստական էլ, տեսնելով Էրդողանի արձանը, բացականչել է․ «Այս մարդու պատճառով իմ ընտանիքը զոհվեց»։ Տեղացիները մտահոգություն ունեն, որ եթե արձանը չապամոնտաժվի, դա կարող է լարվածությունների առիթ դառնալ։
Ուշագրավ է, որ Վիսբադենի ոստիկանությունը նույնքան զարմացած է արձանի գոյության փաստից, որքան տեղի բնակչությունը։ Վիսբադենի քաղաքապետ Սվեն Գերիխը Facebook-ում գրել է, որ պատրաստվում է գնալ հրապարակ ու մոտիկից ուսումնասիրել արձանը։ Նա նաև հայտնել է, որ առաջիկայում քաղաքապետարանում ժողով կգումարվի՝ պարզելու համար, թե արդյոք քաղաքապետարանի որևէ ներկայացուցիչ թույլատրել է արձանի տեղադրումը։
Չնայած Էրդողանի արձանի առաջացրած իրարանցմանը՝ «Wiesbaden Biennale» փառատոնի կազմակերպիչները դեռ որևէ մեկնաբանություն չեն արել արձանի վերաբերյալ։
Այս ենթաբաժնի վերջին նորությունները
Գազայի հատված ամենաշատ հումանիտար օգնություն ուղարկած երկրների թվում են Թուրքիան, Արաբական Միացյալ Էմիրությունները (ԱՄԷ) և Սաուդյան Արաբիան։
Վերլուծության մեջ նշվում է, որ այդ 4 քայլերով Թուրքիայի ուժը տարածաշրջանում օրեցօր մեծանում է։
Եվրամիության ապաստանի հարցերով գործակալությունը հրապարակել է ԵՄ-ին ապաստանի հայցով դիմած երկրների դիմումների տվյալները։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Տարբեր ինտերնետային կայքերում հրապարակված տեղեկությունների համաձայն՝ 2024-ի հունվարին Թուրքիան Իսրայել է արտահանել բարութ, պայթուցիկ նյութեր և զենք:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |