Քաղաքական14:00, 29 Օգոստոս 2018
Թուրքիայի ընդդիմության առաջնորդի 9 հարցը նախագահ Էրդողանին
Թուքիայի գլխավոր ընդդիմադիր ուժ համարվող «Ժողովրդահանրապետական» (ԺՀԿ-CHP) կուսակցության առաջնորդ Քեմալ Քըլըչդարօղլուն վերջին օրերին թուրքական լիրայի արժեզրկման հետևանքով երկրում ստեղծված ֆինանսական ճգնաժամի կապակցությամբ 9 հարց է հղել նախագահ Ռեջեփ Թայիփ Էրդողանին:
Կուսակցության համագումարի ժամանակ Քըլըչդարօղլուն հնչեցրել է այդ հարցերը՝ կուսակցիցներին խնդրելով դրանք տարածել ամենուր:
Ընդդիմության առաջնորդը, ակնարկելով բազմաթիվ հարցերում «արտաքին ուժերին» մեղադրելու Էրդողանի սովորությունը, բոլոր հարցերի մեջ նկարագրել է Էրդողանի քայլերը կամ խոսքերը, ապա հարցրել, թե արդյոք դրանց հեղինակը «արտաքին ուժերն» են:
Հարցերը` ստորև.
1. Դրսի ուժե՞րն են ասել, որ գյուղատնտեսությունը քայքայես, գյուղացուն պարտքերի մեջ թաղես, բոլոր գյուղատնտեսական ապրանքները՝ խոտից մինչև ոսպ, կենդանիներից մինչև մսամթերք ներմուծես:
2. Դրսի ուժե՞րն են ասել, որ քո կողմնակիցների համար Թուրքիայի ամենամեծ տենդերները դոլարով իրականացնես, որ ամեն անգամ դոլարի արժևորվելուց ավելի շատ շահույթ ստանան:
3. Դրսի ուժե՞րն են ասել, որ տենդերները դոլարով անցկացնելուց հետո հիմա էլ կողմնակիցներիդ դոլարով շահույթ ստանալու երաշխիքներ տաս:
4. Տենդերներն էլ դոլարով տվեցիր կողմնակիցներիդ, շատ լավ, դրսի ուժե՞րն են ասել, որ նրանց 123մլրդ դոլար պայմանագրային արժեք ունեցող նախագծերի արտաքին պարտքի համար պետությանը երաշխավոր դարձնես:
5. Արդյո՞ք դրսի ուժերն են ասել. «Տարադրամից շահույթ չունեցող ընկերություններին տարադրամով պարտք վերցնելու հնարավորություն տվեք»:
6. Արդյո՞ք դրսի ուժերն են Մուստաֆա Քեմալի Թուրքիան հանձնել Լոնդոնի մի բուռ վաշխառուների ձեռքը:
7. Արդյո՞ք դրսի ուժերն են ասել, որ Կենտրոնական բանկի գործառույթներին խառնվես, վերջ դնես անկախ կառույցների անկախությանը, ամեն ինչ դու որոշես:
8. Իրավացիորեն ասում էիր, որ պարտք վերցնողը հրաման կստանա: Կարո՞ղ ես բացահայտել այն դրսի ուժերին, որոնցից երկիրն այս վիճակին հասցնելու հրաման ես ստացել:
9. Այս իրավիճակում արդեն Լոնդոնի վաշխառուները չեն բավարարվում եղած տոկոսադրույքով, քեզ էլ չեն վստահում և այդ պատճառով պարտք չեն տալիս: Այժմ Կատարի դուռն ես բախում ու խնդրում, որ պարտքով փող տա: Նոր հրամանները Կատարի՞ց ես ստանալու:
Այս ենթաբաժնի վերջին նորությունները
Հանդիպման ընթացքում կքննարկվեն երկկողմ հարաբերությունները, ռուս-ուկրաինական, արաբա-իսրայելական պատերազմները։
Քուրդ լրագրող Սերդար Ալթանը Ermeniahaber.am-ին տված հարցազրույցում իր կանխատեսումներն է ներկայացրել Թուրքիայում կայանալիք ՏԻՄ ընտրությունների արդյունքների վերաբերյալ։
Վերջին օրերին, ըստ թուրքական մամուլում շրջանառվող լուրերի, Թուրքիայի զինված ուժերը պատրաստվում են նոր ռազմական գործողություն սկսել քրդական ուժերի դեմ՝ Հյուսիսային Իրաքում։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Վերլուծաբանները նշում են, որ Թուրքիան կախված է ՌԴ-ից բնական գազի, նավթի, ածխի և նավթաքիմիական այլ ապրանքների ձեռք բերման հարցում և լավ գաղափար չէ նույնը անել նաև միջուկային էներգիայի համար։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |