Հասարակական13:51, 29 Օգոստոս 2018
«Վիսբադենյան Էրդողանը» ընդամենը 24 ժամ անց տապալվեց (տեսանյութ)
Գերմանիայի Վիսբադեն քաղաքում օգոստոսի 27-ի երեկոյան տեղադրված Էրդողանի հսկա արձանը ընդամենը 24 ժամ անց ապամոնտաժվել է։ Քաղաքի կենտրոնական հրապարակում անսպասելի հայտնված 4 մետր բարձրությամբ արձանը հարուցել էր բնակիչների զարմանքն ու զայրույթը։
Ավելի ուշ Վիսբադենի քաղաքապետարանը հայտարարել էր, որ «Wiesbaden Biennale» փառատոնի շրջանակներում արտոնվել էր քաղաքում մարդակերպ արձանի տեղադրումը, սակայն ոչ ոքի հայտնի չէր եղել, որ հենց Էրդողանի արձանն է տեղադրվելու։
Վիսբադենի քաղաքապետարանը նաև ժողով է հրավիրել, որտեղ որոշում է կայացվել արձանի ապամոնտաժման մասին՝ բնակչության անվտանգության և հասարակական կարգի պահպանման նպատակով։
Ընդամենը մեկ օրվա ընթացքում Էրդողանի արձանի վրա հասցրել էին հայտնվել «Fuck you» և նմանատիպ այլ գրություններ: Այն նաև ձվերով ռմբակոծության թիրախ էր դարձել։ Արձանի դեմ բողոքողների և Էրդողանի կողմնակիցների միջև վեճեր, հրմշտոց և անգամ դանակով զինված բախումներ էին գրանցվել։
Էրդողանի ոսկեգույն արձանն ապամոնտաժվել և տեղափոխվել է կեսգիշերին: Արձանի ապամոնտաժման տեսանյութի հրապարակումից հետո որոշ օգտատերեր սոցկայքերում գրել են․ «Վիսբադենում քիչ առաջ Էրդողանը տապալվեց»։
Իսկ «Wiesbaden Biennale» փառատոնի և Վիսբադենի թատրոնի տնօրեն Ուվե Էրիկ Լաուֆենբերգն արձանի վերաբերյալ հետևյալ մեկնաբանությունն է արել․
«Մենք այս արձանը կանգնեցրել ենք խոսքի ազատության վրա ուշադրություն հրավիրելու և Էրդողանի վեարբերյալ քննարկում սկսելու նպատակով։ Նման ակցիաներ ամեն տեղ էլ անցկակցվում են։ Դա հասկանալը միշտ չէ, որ հեշտ է։ Սակայն ժողովրդավարական երկրում պետք է հանդուրժողական լինել բոլորի տեսակետների նկատմամբ։ Մեր երկրում նման բաները հնարավոր է քննարկել, և ցավալի է, որ այլ երկրներում դա հնարավոր չէ»։
Այս ենթաբաժնի վերջին նորությունները
Երկրորդ տեղում Իրանի քաղաքացիներն են, որոնք գնել են 182 տեսակի անշարժ գույք։
1961-ից 2021-ն ընկած ժամանակահատվածում ամենաշատ աճը ծնելիության մակարդակում գրանցվել է Սաուդիան Արաբիայում. այն կազմել է 7.63 գործակից:
«Տեղեկատվության անվտանգության մասնագետի» համար պահանջվող սերտիֆիկատը կարող են ձեռք բերել միայն «Սպիտակ հաքեր» անունով հայտնի մասնագետները:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Մշտադիտարկման համատեղ կենտրոնը հիմնվել էր 2020թ. 44-օրյա պատերազմից հետո։
Իսկ Թուրքիայում այս տարի նախատեսվում է հորատել 140 նավթահոր՝ ածխաջրածնային պաշարների հանքավայրեր որոնելու համար։
Էպիկենտրոնը եղել է Իզմիրի Սեֆերիհիսար շրջանը, որտեղ ցնցման ուժգնությունը կազմել է 4.5 բալ:
Ազատ գրաֆիկով և հեռավար տարբերակով աշխատող մարդկանց համար նախատեսված «Digital nomads» վիզան կտրամադրվի 3-ից 5 տարով:
Հայտարարության մեջ նշվում է, որ լարվածությունը, որը սկսվել է Դամասկոսում Իրանի դեսպանատան վրա Իսրայելի հարձակմամբ հակասում է միջազգային իրավունքին․
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |