Էրդողանը հայտարարել է նախագահական նոր պալատ կառուցելու մտադրության մասին

Տարածաշրջան10:20, 27 Օգոստոս 2018

Էրդողանը հայտարարել է նախագահական նոր պալատ կառուցելու մտադրության մասին

Թուրքիայի նախագահ Ռեջեփ Թայիփ Էրդողանը հայտարարել է Բիթլիսի (Բաղեշ-խմբ.) նահանգի Ահլաթ (Խլաթ-խմբ.) շրջանում նախագահական պալատի կառուցման մասին: Նման հայտարարությամբ է հանդես եկել Մանազկերտի ճակատամարտում (1071թ.) սելջուկների տարած հաղթանակի 947-րդ ամյակին նվիրված միջոցառմանն ունեցած ելույթի ժամանակ:

Խլաթում ելույթ ունեցած Էրդողանը, հիշեցնելով Թուրքիայի «Ազգայնական շարժում կուսակցության» (MHP-ԱՇԿ) ղեկավար Դևլեթ Բահչելիի արտահայտած «Խլաթին նախագահական պալատ կսազեր» արտահայտությունը, ասել է.

«Խլաթին նախագահական պալատ կսազի, քանի որ Ալփասլան սուլթանն իր վրանը այստեղ է դրել: Մենք էլ, որպես նրա ժառանգներ նույն տեղում վրան կհիմնենք»:

Էրդողանը հայտնել է նաև, որ արդեն խոսել է Բիթլիսի նահանգապետի ու Խլաթի քաղաքապետի հետ, որոնք սկզբում առաջարկել են 1071քմ հողատարածք առանձնացնել պալատի կառուցման համար, սակայն ինքը չի համաձայնել՝ ասելով, որ պալատն անհրաժեշտ է կառուցել առնվազն 5000քմ տարածության վրա:

«Քաղաքապետն էլ ոգևորվեց՝ առաջարկելով 10000քմ տարածք»,- պատմել է Թուրքիայի նախագահը:

Աղբյուր` Ermenihaber.am

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։