Միջազգային13:52, 22 Օգոստոս 2018
Նիդերլանդներում մտահոգված են Եվրոպայում նոր թուրքական դպրոցների բացմամբ
Նիդերլանդների իշխանությունները մտահոգիչ են համարել եվրոպական մի շարք երկրներում թուրքական կիրակնօրյա դպրոցներ բացելու նախագիծը։
Նիդերլանդների վարչապետ Մարկ Ռյուտեն հայտարարել է, որ պատրաստվում է այս հարցում իր մտահոգություները հայտնել Անկարային։ Տեղական մամուլի հրապարակումների համաձայն՝ Թուրքիայի հետ հարաբերությունների կարգավորման փուլում գտնվող երկրում նման խնդրի առաջացումը նոր գլխացավանք կարող է դառնալ երկկողմ հարաբերությունների համար։
«Մենք խստորեն կհետևենք այդ դպրոցների գործունեությանը, որպեսզի պարզենք, արդյոք այդտեղ անցանկալի երևույթներ տեղի ունենո՞ւմ են, թե՞ ոչ։ Սակայն ակնհայտ է, որ այդ կիրակնօրյա դպրոցներում երեխաներին թխվածքաբլիթ պարտրաստել չեն սովորեցնելու»,- նշել է Նիդերլանդների վարչապետը։
Ռյուտեն մտահոգություն է հայտնել, որ այդ դպրոցներում կարող են հակաժողովրդավարական գաղափարներ քարոզվել և նման դեպքում Նիդերլանդների կառավարությունը հարկադրված կլինի միջամտել։ Վարչապետի կարծիքով թուրքական դպրոցները չեն նպաստի թուրք ներգաղթյալների՝ տեղի հանրությանը ինտեգրվելու գործընթացին։ Նա հիշեցրել է, որ թուրք երեխաները ամեն դեպքում նաև Նիդերլանդների քաղաքացիներ են և երկրի իշխանությունները կարևորում են նրանց՝ հասարակության մի մասը լինելու հանգամանքը։
Նիդերլանդների իշխող կոալիցիայի անդամ VVD կուսակցությունն էլ նկատել է տվել, որ Թուրքիան հետզհետե հեռանում է ժողովրդավարական արժեքներից, իսկ Էրդողանը ջանում է «իր թևի տակ առնել» եվրոպաբնակ թուրքերին։ Կուսակցությունը կոչ է արել Անկարային հանգիստ թողնել եվրոպացի թուրքերին, որպեսզի վերջիններս կարողանան ինքնուրույն որոշումներ կայացնել։
Նմանատիպ գնահատական է տվել թուրքական դպրոցներին նաև Նիդերլանդների կառավարության դաշնակից D66 կուսակցությունը։ Վերջինս մտահոգություն է հայտնել այն առթիվ, որ Անկարան է հոլանդաբնակ թուրքերի փոխարեն որոշում, թե վերջիններս որ դպրոցը պիտի գնան կամ ում պիտի ընտրեն։
Երկրի մյուս առաջատար կուսակցությունները ևս հանդես են եկել նմանատիպ հայտարարություններով՝ կոչ անելով ոչ մի դեպքում թույլ չտալ Նիդերլանդներում թուրքական դպրոցների բացումը։ Նման դպրոցների բացման նախագիծը մտահոգիչ է համարել նաև Նիդերլանդների խորհրդարանը։
Հավելենք, որ Թուրքիայի սահմաններից դուրս բնակվող թուրք երեխաների համար նախատեսված վերոհիշյալ կիրակնօրյա դպրոցները կբացվեն արդեն առաջիկա օրերին։ Դրանց նպատակն է թուրք երեխաներին սովորեցնել թուրքերեն և թուրքական մշակույթ կամ թույլ չտալ, որպեսզի դրանք մոռացվեն։ Դասերը կլինեն շաբաթական ընդամենը 5 ժամ, որից 2 ժամը նվիրված կլինի թուրքերենին, 3-ը՝ պատմությանը, կրոնին, արվեստին։
Այս ենթաբաժնի վերջին նորությունները
Oրեր առաջ էլ Ֆրանսիայի նախագահ Էմանուել Մակրոնը հայտարարել էր, որ Թուրքիայի միջամտությունը Լիբիական հակամարտությանը հանցագործություն է։
Ինչպես գրում է ֆրանսիական «Le Monde» թերթը, սահմանների վերաբացմանն ուղղված առաջին փուլում Թուրքիան դուրս է մնացել արտոնյալ երկրների ցուցակից։
Ֆրանսիայի պաշտպանության նախարարը հայտարարել էր, որ թուրքական ռազմանավը Միջերկրական ծովի արևելքում ագրեսիվ պահվածք է դրսևորել ֆրանսիական «Courbet» նավի նկատմամբ։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
«Եթե ժողովրդի պահանջը դրա չեղարկումն է, ուրեմն պիտի համապատասխան որոշում ընդունվի»։
Եթե հրապարակվելիք վճիռը հակաիրավաան ճանաչի կառավարության 1934թ. որոշումը, ապա այն չեղյալ կհայտարարվի, իսկ Սուրբ Սոֆիայի տաճարն էլ կվերածվի մզկիթի։
Սիրիայում «Աֆրինի ազատագրման ուժեր» քրդական խմբավորումը նշել է, որ թուրքական ուժերը առնվազն 14 անգամ Աֆրինի և Շեհբա շրջանների գյուղատնտեսական նշանակության տարածքներ են հրդեհել։
Ավելի վաղ Իրաքի ԱԳՆ էր կանչվել Բաղդադում Թուրքիայի դեսպանը, որին բողոքի նոտա է հանձնվել Թուրքիայի կողմից Իրաքի տարածքում «Վագրի ճիրան» ռազմական գործողությունը սկսելու կապակցությամբ։
Ըստ պաշտոնական տվյալների` մինչև օրս կորոնավիրուսից 5․167 հիվանդ է մահացել։
Օրացույց
Հարցումներ
Իդլիբի ճգնաժամի պատճառով կվատանա՞ն ռուս-թուրքական հարաբերությունները:
արտարժույթ
| EUR | TRY | USD |
| 549.84 | 90.05 | 485.12 |